ma Isale en ma Pilisin li utala
|
ijo toki lon lipu ni li sin mute li awen kama lon tenpo ni. sina ken sin e ona. |
| ma Isale en ma Pilisin li utala | |
|---|---|
 | |
| sina wile lukin e ante sin la o luka e ni | |
| tenpo open | tenpo sike nanpa 1948 |
| tenpo pini | awen lon tenpo ni |
| ma | ma Pilisin ma Isale |
| kulupu utala | |
nanpa wan: ma Isale
pana pona |
nanpa tu: ma Pilisin
pana pona |
| weka | |
| tenpo ni la pini ala | tenpo ni la pini ala |
.png)
ma Isale en ma Pilisin li open utala lon tenpo sike nanpa 1948. taso, utala ni li tan tenpo pini mute. nasin Sijon la, jan mute pi kulupu jan Jejuta li tawa lon ma Pilisin pi ma Osuman. utala suli nanpa wan la, ma Juke li toki e ni: ma Pilisin li ma mama pi kulupu jan Jejuta. kulupu jan Alapi pi ma Pilisin li pilin ike tawa nasin ni. taso, jan mute li awen tawa lon ma Pilisin. tenpo sike nanpa 1936 la, jan mute pi kulupu jan Alapi li utala li wile weka e lawa pi ma Juke. taso, ma Juke li anpa e wile ni. utala suli nanpa tu en moli Sowa la, jan mute li tawa weka tan ma Elopa. tenpo sike nanpa 1947 la, ma mute wan li toki e ni: ma Pilisin o ma tu. ma tu ni li ma pi kulupu jan Jejuta li ma pi kulupu jan Alapi. taso, nasin ni li kama ala. lawa pi ma Juke li weka lon tenpo sike nanpa 1938, ma Isale li toki e lawa sin. utala li open. kulupu utala pi ma Sulija en ma Utun en ma Masu li utala e ma Isale. ma Isale li anpa e kulupu utala pi ma ante li weka e jan mute tan ma ona.
ma Isale li utala e ma ante lon poka lon tenpo mute. tenpo sike nanpa 1967 la, ma Isale li kama jo e ma ale pi ma Pilisin e ma Sawina e ma sewi Kolan. tenpo kama la, pini utala li kama lon insa pi ma Isale pi ma Masu. ma Isale en ma Utun kin li pini utala. taso, ma Isale li awen lawa e ma palisa Kasa e pini suno pi telo Utun li pali e ma tomo sin lon ma ni. taso, ma mute li pilin ike tawa ni tan ni: nasin lawa pi ma ale li toki e ni: o pali ala e ma tomo sin lon ma lanpan.
tenpo sike nanpa 1993 la, jan Yitzhak Rabin en jan Yasser Arafat li sitelen e pilin sama pi ma tomo ma tomo Usilu. taso, pini utala li awen ala. tenpo sike nanpa 2000 la, utala pi tomo sewi Al-Aqsa (Al-Aqsa Intifada) li open. tan ni la, kulupu utala pi ma Isale li tawa weka pi ma palisa Kasa.
tenpo lon la, utala suli lon lon ma palisa Kasa. kulupu Hamas li kama lawa lon ma palisa Kasa la, ma Isale li pini e tawa ijo tawa insa pi ma palisa Kasa. kulupu Hamas li pana e ilo pakala lon sewi tawa ma Isale. ma Isale li pana e ilo pakala tawa ma palisa Kasa. tenpo sike 6-10-23 la, kulupu Hamas li pakala e sinpin lon poka pi ma Isale, li tawa insa pi ma Isale, li moli li lanpan e jan mute. ma Isale li li pana e ijo pakala li moli e jan mute li tawa insa lon ma palisa Kasa.
jan mute li wile e ni: ma Pilisin en ma Isale li kama ma lawa ante. taso, jan mute pi ma Isale en jan Pinjamin Netanjaku kin li pilin ike tan ni: ona li pilin monsuta tan utala tan ma Pilisin. jan mute pi Pilisin li pilin ike tan ni: ma Isale li lanpan e tomo mute e ma mute lon ma Pilisin. ma Isale li weka e jan pi kulupu Pilisin la, jan ni li ken ala tawa lon tomo ona pi tenpo pini. kin la, ma tu li pilin e ni: ma tomo Jelusalawin o ma tomo lawa mi.
o lukin kin[o ante | o ante e toki ilo]
kulupu jan[o ante | o ante e toki ilo]
nasin sewi[o ante | o ante e toki ilo]
ma[o ante | o ante e toki ilo]
kulupu utala[o ante | o ante e toki ilo]
lipu ante[o ante | o ante e toki ilo]
- Conflict in Israel and Palestine through 2015: Crash Course World History #223 (toki Inli) sitelen tawa lon tomo CrashCourse lon ilo Jutu