ma Kaletoni sin

ma Kaletoni sin Nouvelle-Calédonie
len ma	sitelen lawa
kalama musi ma Soyons unis, devenons frères (o mi mute wan, o kama jan sama)
ma tomo lawa	ma tomo Numeja
toki lawa	toki Kanse
mani	mani Kan pi ma Pasipi lawa tan ma Kanse (₣) (XPF)
tenpo	UTC+11
ISO 3166	NC, FR-NC

ma Kaletoni sin anu ma Kaletonja sin li ma lon telo suli Pasipi. pini suno la, ma Oselija li lon. ona li lon ma Melanisija. ma Kanse li lawa e ona.

kulupu jan Kanaka li kulupu jan nanpa wan pi ma Kaletonja sin. jan pi ma Elopa en jan pi ma Walisi en ma Putuna li lon ma Kaletoni sin.

jan James Cook li toki e nimi pi ma Kaletonja sin. nimi Kaletonja li nimi pi toki Lasina pi ma Sukosi. jan pi ma Elopa la, jan James Cook li alasa e ma Kaletoni sin lon tenpo nanpa wan. tenpo sike 1853 la, ma Kanse li lanpan e ma Kaletoni sin. tenpo sike 1864, jan li alasa e kiwen Nikolun lon ma Kaletoni sin. jan mute tan ma ante li tawa ma Kaletoni sin.

tenpo sike 1976 tawa tenpo sike 1988 la, jan mute li utala. jan mute li wile e ni: ma Kaletoni sin o anpa ala. tenpo sike la, jan li toki e utala ala.