ma Mesiko

tan lipu Wikipesija
Jump to navigation Jump to search
ma Mesiko

México

Flag of Mexico.svg

len ma

Coat of arms of Mexico.svg

sitelen lawa

kalama musi ma

Himno Nacional Mexicano
(kalama musi ma pi ma Mesiko)

MEX orthographic.svg
ma Mesiko (laso)
ma tomo lawa ma tomo Mesiko
toki lawa ala (lon lipu lawa)
toki Epanja (lon pali)
toki ante toki Nawa
toki Maja
toki ante mute pi kulupu jan nanpa wan pi ma Amelika
jan lawa jan Ante Manwe Lope Opato
mani mani Peso pi ma Mesiko
tenpo UTC-5 tawa UTC-8
ISO 3166 MX
lipu ilo https://www.gob.mx/

ma Mesiko li lon ma Amelika lete li lon poka pi ma Mewika li lon poka pi ma Katemala li lon poka pi ma Peli. ma Mesiko li lon poka pi telo suli Pasipi li lon poka pi telo suli Kawipen li lon poka pi telo suli pi ma Mesiko.

ma Mesiko li suli. jan mute li lon ma ni.

nimi[o ante | o ante e toki ilo]

tenpo pini la ma Epanja sin li pini. tenpo ni la jan Mesiko li pana e nimi sin tawa ma ona. nimi ni li sama nimi pi ma tomo lawa ona. ma tomo lawa ona li México lon toki Nawa.

nimi "México" li nimi tu. nimi nanpa tu li -co li "ma." jan sona li pilin en ni: nimi nanpa wan li kama tan nimi Mexitl. nimi ni li nimi nanpa tu pi jan sewi Huitzilopochtli. ken la México li "ma pi jan sewi Huitzilopochtli" tan ni. jan sona ante li pilin e ni: nimi México li nimi mute (tu wan). nimi nanpa wan li metzli li "mun" lon toki pona. nimi nanpa tu li xictli li "insa" lon toki pona. nimi nanpa tu wan li "-co" li "ma" lon toki pona. nimi ni li wan la ona li toki e ni: "ma lon insa mun." telo Texcoco li "telo mun" lon toki pona. tenpo pini la ma tomo Mesiko li lon insa telo Texcoco. ken la nimi "México" li "ma lon insa mun" tan ni.

tenpo pini[o ante | o ante e toki ilo]

jan Miguel Hidalgo li jan suli pi ma Mesiko

tenpo mute pini la ma Mesiko li ma pi kulupu lawa Olime en kulupu lawa Maja en kulupu lawa Nawa. tenpo ni li pini la jan Epanja li kama tawa ma Mesiko li anpa e jan ona.

tenpo pi kulupu lawa Epanja li pini la ma Mesiko li utala e kulupu Epanja li weka e ona. jan Mike Itako (Miguel Hidalgo y Costilla) li jan lawa pi utala ni.

tenpo pi kulupu lawa Mesiko la jan Antonjo Lope Te Santa Ana (jan Antonio López de Santa Anna) li jan suli pi kulupu lawa. ona li lawa e ma Mesiko. ona li wile lawa wawa e ma Mesiko. taso jan pi ma Tesa li wile ala e lawa ona. ma Tesa li weka tan ma Mesiko tan ni. tenpo ni la ma Mewika li kama jo e ma Tesa. taso ni li ike tawa kulupu lawa Mesiko.ona li utala e ma Mewika tan ni. taso ma Mewika li anpa e ma Mesiko li weka e ma mute ona. ma ni li ma Kaliponija li ma Niwata li ma Juta li wan pi ma Kolowato en ma Ewisona en ma Numesiko en ma Wajomin.

kipisi:ma Amelika