ma Mesopotamija

tan lipu Wikipesija
Jump to navigation Jump to search
sitelen ma pi ma Mesopotamija

ma Mesopotamija (toki Elena pi tenpo pini: Μεσοποταμία) li ma lili pi tenpo pini lon ma Asija pi pini suno. tenpo ni la ona li lon ma Ilakija li lon kipisi pi ma Ilan pi ma Tuki pi ma Sulija pi ma Kuwasi.

toki Elena la nimi Mesopotamija li toki e ni: ma lon insa pi nasin telo. ma Mesopotamija li lon poka pi nasin telo Tigris pi nasin linja Pulatu.

tenpo pini la kulupu Sumelu en kulupu Akatu li lon ma Mesopotamija. tenpo open pi sitelen toki (3100 BC) tawa tenpo sike 539 BC la, kulupu ni li lawa e ma Mesopotamija. tenpo sike 539 la, jan Kulusi suli pi ma Pasi li open lawa e ma Mesopotamia.

tenpo pini la, ma tomo suli mute li lon ma Mesopotamija. ma tomo Uluku (ma tomo Uruk) en ma tomo Nippur en ma tomo Nineveh en ma tomo Assur en ma tomo Papili (ma tomo Papilon) li ma tomo suli. jan Kikamesi li jan lawa pi ma tomo Uluku.

ma Mesopotamija en ma Masu pi tenpo pini en kulupu pi nasin telo Intu en ma pi nasin linja jelo la sitelen toki li open pali e sitelen toki. ma Mesopotamija la, jan li kepeken e sitelen pi ilo kipisi.

kulupu Sumelu[o ante | o ante e toki ilo]

sitelen ma

kulupu Sumelu (toki Sumelu: 𒆠𒂗𒂠) li kulupu jan tomo lon ma Mesopotamija. sona jan la, ona li kulupu jan tomo lon tenpo pini nanpa wan.

kulupu toki pi kulupu Sumelu li jo e toki wan taso. ona li tan kulupu toki Palata Elopa ala li tan kulupu toki Semi ala.