ma Owekan

tan lipu Wikipesija
Jump to navigation Jump to search
ma Owekan

Oregon

ma lili
Flag of Oregon.svg

len ma

Seal of Oregon.svg

sitelen lawa

Oregon in United States.svg
ma tomo lawa ma tomo Selen
mute jan la
ma tomo suli
ma tomo Polan
ma suli ma Mewika
toki lawa toki Inli
toki ante ala
ISO 3166 US-OR

ma Owekan (toki Inli: Oregon) li ma lili pi ma Mewika. ona li lon ma lete pi ma Mewika lon poka pi telo suli Pasipi. nimi ona pi toki Inli li tan toki Epanja.

sona ma[o ante | o ante e toki ilo]

ma Owekan li lon poka pi telo suli Pasipi li lon poka pi ma Wasinton li lon poka pi ma Kaliponija li lon poka pi ma Newata li lon poka pi ma Etajo.

ma tomo Selen li ma tomo lawa. ma tomo Polan li ma tomo suli. ma tomo ali ante pi ma Oweka li lili mute.

ma Owekan li jo e nena suli mute. kulupu nena poka pi telo suli li tu e telo suli en ma anpa pi telo tawa Wilame. kulupu nena Kake li tu e ma anpa pi telo tawa Wilame en ma sewi Kalanpija. kulupu nena Kema li lon seli pi ma anpa li lon poka pi ma Kaliponija. kulupu nena Laso en kulupu nena Walawa li lon weka mute tan telo suli Pasipi lon poka pi ma Etajo.

kon li tawa ma tan telo suli la kon li pana e telo lon nena mute. telo li kama mute tan sewi lon poka pi telo suli lon nena mute. kasi laso li mute mute lon ma ni tan ni. kasi suli li suli suli li jo e kasi ante lon palisa pi kasi suli.

taso kon li tawa anpa tan nena la, kon li jo ala e telo. telo li kama lili lili tan sewi lon weka pi telo suli tan ni. ma ni li jo e telo lili li jo lili e kasi laso.