ma Pasila

tan Wikipesija
o tawa poki nasin o tawa alasa
ma Pasila

Brasil

Flag of Brazil.svg

len ma

Coat of arms of Brazil.svg

sitelen lawa

kalama musi ma

BRA orthographic.svg
ma tomo lawa ma Pasilija
ma suli ma Melika
toki lawa toki Potuke, toki luka Pasila
nasin sewi Katolika (65%), Potesu (22%) - sona tan sike suno nunpa 2010
mani Real (R$)
tenpo UTC -2 tawa -5
ISO 3166 BR
lipu ilo https://www.gov.br
Edit-clear.svg lipu ni li wile e pali. sina ken pona e ona.

ma Pasila (toki Potuke: Brasil [bɾaˈziw]) li ma suli lon ma Amelika seli. toki lawa pi ma Pasila li toki Potuke. ma pi toki Potuke la ona li ma pi suli nanpa wan. jan Pasila pi kute ala li toki kepeken toki luka Pasila (toki Libras). ma tomo lawa ona li ma tomo Pasilija. ma tomo ona pi suli nanpa wan li ma tomo San Palu.

ma Ulukawi en ma Alensina en ma Palakawi en ma Polipija en ma Pelu en ma Kolonpija en ma Penesuwela en ma Kijana en ma Suliname en ma Kijanakanse li lon poka pi ma Pasila. sama la ma Pasila li lon poka pi telo suli Alansi.

ma Pasila li jo e jan mute e kulupu ante mute tan ni: jan mute li tan ma ante.

ma Pasila li jo e kasi mute e soweli mute e akesi mute e kala mute e pipi mute. ma ni li jo e ma kasi Amasonja e ma kasi telo Pantana e ma kasi pi seli lili Kasinka e ma kasi Mata Atansika e ma kasi Selatu e ma mute ante. pakala pi ma kasi ni li ike tawa ma ale.

sona pi tenpo pini[o ante | o ante e toki ilo]

ijo pi nasin sewi Katolika nunpa wan lon ma Pasila, jan pi nasin sewi tan tomo tawa telo pi jan Petu Awali Kapa

tenpo pini lon poka ale tawa tenpo ni la, jan li lon ma Pasila. jan Petu Awali Kapa tan ma Potuke li kama sona e ma Pasila lon tenpo pi sike suno nunpa 1500. sike suno nunpa 1530 tawa nunpa 1822 la, ma Pasila li ma pi kepeken ijo tawa ma Potuke. tenpo poka pini la, ma Pasila en ma Potuke li sama tawa ma pi jan lawa pi ma Potuke, taso, sike suno nunpa 1822 la, ma Pasila li kama wan taso. tenpo open la, jan wan li jo e wawa ale, taso sike suno nunpa 1889 tawa tenpo ni la, jan mute li ken lawa.

tenpo pi ma pi kepeken ijo tawa ma Potuke tawa tenpo pi sike suno nunpa 1850 la, esun pi kepeken jan li pana e jan pimejo mute tawa ma Pasila. sike suno 1888 la, kepeken jan li ike tawa lipu lawa.

open pi tenpo pi lawa jan mute la, jan pona li ken lawa. tenpo pi sike suno nunpa 1964 tawa nunpa 1985 la, jan utala li kama lawa e ma Pasila. taso tenpo ni la, jan ale li ken lawa.

ma lili[o ante | o ante e toki ilo]

ma tomo[o ante | o ante e toki ilo]

ma tomo Liju-Sina-Nelu

ma Pasila li jo e ma tomo suli mute ni: ma tomo San-Palu en ma tomo Liju-Sisa-Nelu en ma tomo Pasilija (Pa-Silija) en ma tomo Sawa-To en ma tomo Pota-Lesa en ma tomo Peloli-Son en ma tomo Ma-Nasu.

ma tomo Pasilija li ma tomo lawa pi ma Pasila. ma tomo ni lon ma lili lawa.

ante[o ante | o ante e toki ilo]

jan Pasila li ken musi pona e sike noka. sike noka li pona mute tawa jan Pasila.

kipisi:ma Amelika