ma Pasila
| ma Pasila
Brasil | |
|---|---|
 len ma |
 sitelen lawa |
| kalama musi ma
| |
| |
| sitelen ma pi ma Pasila | |
| ma tomo lawa | ma tomo Pasilija |
| mute jan la ma tomo suli |
ma tomo San Palu |
| ma suli | ma Amelika seli |
| toki lawa | toki Potuke, toki luka Pasila |
| toki ante | toki mute pi ma Pasila, toki pi ma suli Elopa (toki Italija, toki Tosi) |
| nasin sewi | kulupu Katolika (65%), kulupu Potesu (22%) (sona tan tenpo suno 2010) |
| jan lawa | jan Lula |
| mani | mani Lija pi ma Pasila (R$) |
| tenpo | UTC−05:00 tawa UTC−02:00 |
| ISO 3166 | BR |
| lipu ilo | gov.br |
ma Pasila (toki Potuke: Brasil [bɾaˈziw]) li ma suli lon ma Amelika seli. toki lawa pi ma Pasila li toki Potuke. ma pi toki Potuke la ona li ma pi suli nanpa wan. jan Pasila pi kute ala li toki kepeken toki luka Pasila (toki Libras). ma tomo lawa ona li ma tomo Pasilija. ma tomo pi suli nanpa wan li ma tomo San Palu.
ma Ulukawi en ma Alensina en ma Palakawi en ma Polipija en ma Pelu en ma Kolonpija en ma Penesuwela en ma Kijana en ma Suliname en ma Kijanakanse li lon poka pi ma Pasila. sama la ma Pasila li lon poka pi telo suli Alansi.
ma Pasila la kasi mute en soweli mute en akesi mute en kala mute en pipi mute li lon. ma ni la ma kasi Amasonja en ma kasi telo Pantana en ma kasi pi seli lili Kasinka en ma kasi Mata Atansika en ma kasi Selatu en ma mute ante li lon. pakala pi ma kasi ni li ike tawa ma ale.
ma Pasila la jan mute en kulupu ante li lon.
tenpo pini[o ante | o ante e toki ilo]
tenpo pini suli la, jan li lon ma Pasila. jan Petu Awali Kapa (toki Potuke: Pedro Álvares Cabral) tan ma Potuke li kama sona e ma Pasila lon tenpo pi sike suno nanpa 1500. tenpo sike 1530 tawa tenpo sike 1822 la, ma Potuke li lawa e ma Pasila. tenpo poka pini la, ma Pasila en ma Potuke li sama tawa ma pi jan lawa pi ma Potuke. taso, tenpo sike 1822 la, ma Pasila li kama wan taso. tenpo open la, jan wan li lawa e ma Pasila, taso tenpo sike nanpa 1889 tawa tenpo ni la, jan mute ken lawa.
tenpo pi lawa Potuke tawa tenpo pi sike suno nanpa 1850 la, esun pi jan jo li pana e jan pimeja mute tawa ma Pasila. sike suno 1888 la jan jo li ike tawa lipu lawa pi ma Pasila.
tenpo sike 1964 tawa tenpo sike 1985 la, jan utala pi ma Pasila li lawa e ma Pasila. taso tenpo ni la, jan ale li ken lawa.
ma[o ante | o ante e toki ilo]
ma lili[o ante | o ante e toki ilo]
- ma Ake (Acre)
- ma Alakowa (Alagoas)
- ma Amapa (Amapá)
- ma Amasona (Amazonas)
- ma Sejala (Ceará)
- ma lili lawa pi ma Pasila (Distrito Federal)
- ma Epilitu Santu (Espírito Santo)
- ma Kojasi (Goiás)
- ma Malanjan (Maranhão)
- ma Matu Kosu (Mato Grosso)
- ma Matu Kosu anpa (Mato Grosso do Sul)
- ma Mina Selasi (Minas Gerais)
- ma Pala (Pará)
- ma Palipa (Paraíba)
- ma Palana (Paraná)
- ma Penanpuku (Pernambuco)
- ma Pijawi (Piauí)
- ma Liju (Rio de Janeiro)
- ma Lijukan sewi (Rio Grande do Norte)
- ma Lijukan anpa (Rio Grande do Sul)
- ma Lontonja (Rondônia)
- ma Lolama (Roraima)
- ma Santa Katalina (Santa Catarina)
- ma San Palu (São Paulo)
- ma Sesipi (Sergipe)
- ma Tokansin (Tocantins)
ma tomo suli[o ante | o ante e toki ilo]
tenpo sike 2021 la ma tomo suli pi ma Pasila li ni li jo e nanpa jan ni:
| # | ma tomo | nimi mama | nanpa jan |
|---|---|---|---|
| 1 | ma tomo San Paulo | São Paulo | 12 396 372 |
| 2 | ma tomo Liju | Rio de Janeiro | 6 775 561 |
| 3 | ma tomo Pasilija | Brasília | 3 094 325 |
| 4 | ma tomo Sawato | Salvador | 2 900 319 |
| 5 | ma tomo Potalesa | Fortlelza | 2 703 391 |
| 6 | ma tomo Pelu Oliso | Belo Horizonte | 2 530 701 |
| 7 | ma tomo Manasu | Manaus | 2 255 903 |
| 8 | ma tomo Kulisipa | Curitiba | 1 963 726 |
| 9 | ma tomo Lesiwi | Recife | 1 661 017 |
| 10 | ma tomo Kojanja | Goiânia | 1 555 626 |
ma tomo Pasilija li ma tomo lawa pi ma Pasila. ma tomo ni lon ma lili lawa.
jan[o ante | o ante e toki ilo]
musi pi sike noka li pona tawa jan mute lon ma Pasila. jan mute ken musi pona e ona.
tan sona[o ante | o ante e toki ilo]
- ↑ Estimativas da população residente no Brasil e unidades de federação com data de referência em 1º de julho de 2021 Instituto Brasileiro de Geografia e Estatística (toki Potuke)