ma Setapika

tan Wikipesija
o tawa poki nasin o tawa alasa
Under construction icon-yellow.svg lipu ni li pini ala li wile e pali. sina ken pini e ona.
ma Setapika

(nimi mama ali)

Suid-Afrika (toki Apikanse)
South Africa (toki Inli)
uMzantsi Afrika (toki Kosa)
iNingizimu Afrika (toki Suwasi)
Afrika-Dzonga (toki Sonka)
iNingizimu Afrika (toki Sulu)
Afrika Borwa (toki Sutu)
Aforika Borwa (toki Suwana)
iSewula Afrika (toki Tepele)
Afurika Tshipembe (toki Wenta)

Flag of South Africa.svg

len ma

Coat of arms of South Africa (heraldic).svg

sitelen lawa

kalama musi ma

National Anthem of South Africa
kalama musi lawa pi ma Setapika

South Africa (orthographic projection).svg
ma tomo lawa ma tomo Kape, ma tomo Petolija, ma tomo Punonten
mute jan la
ma tomo suli
ma tomo Josanepu
toki lawa toki Apikan
toki Inli
toki Kosa
toki Sawasi
toki Sonka
toki Sulu
toki Sutu
toki Suwana
toki Tepele
toki Wenta
jan lawa jan Siwe Lamaposa
tenpo open tenpo sike 1910 (ma wan li kama)
tenpo sike 1961 (weka pi kulupu mama lawa)
tenpo sike 1994 (pini pi nasin Apartheid
mani mani Lan
tenpo UTC+2
ISO 3166 ZA
lipu ilo http://www.gov.za/

ma Setapika (toki Inli: South Africa, toki Sulu: iNingizimu Afrika, toki Kosa: uMzantsi Afrika, toki Apikanse: Suid-Afrika) li ma lon ma Apika seli. ma tomo lawa ona li ma tomo Kape li ma tomo Petolija li ma tomo Punonten. taso, ma tomo suli pi nanpa wan li ma tomo Josanepu. ona li poka e ma Posuwana e ma Sinpapuwe e ma Namipija e ma Mosanpi e ma Sawasi. ona li sike e ma Sutu.

kulupu jan mute li lon ma Setapika. ona li toki e toki mute li jan pi nasin kulupu mute. ni li toki lawa mute (nanpa 11).

tenpo pini la, jan walo taso li lawa e ma Setapika. ona li wawa e jan pimeja tawa lon anpa. nimi pi ni li nasin Apartheid. ni li like mute tawa jan pimeja. ni li pini lon tenpo sike 1994.

tenpo pini[o ante | o ante e toki ilo]

jan li alasa e kiwen sijelo mute lon Setapika tan tenpo pi kama jan. soweli sama mute pi jan li lon ma Setapika pi tenpo pini suli. ona li ma lon ma Setapika pi jo e nimi "supa mama jan".

tenpo pini mute lili la, jan pi kulupu Pantu li kama tawa ma Setapika. pini tawa ni la, kulupu jan Kosan li lon. kulupu Pantu li kama tawa ma pi kulupu Kosan li anpa e kulupu Kosan. tan ni, kulupu Kosan li kama tawa ma pi telo lili.

tenpo sike 1488 la, jan tawa Patolomu Teja (toki Potuke: Bartolomeu Dias) tan ma Potuke li kama tawa li kama sona e ma Setapika. ona li kama tawa ma palisa pi pilin pona (anu ma Kape). ona li jan nanpa wan tan ma Elopa tawa kama tawa ma Setapika.

tenpo sike 1652, kulupu esun pi ma Insi pi open suno pi ma Netelan (toki Netelan: Vereenigde Oostindische Compagnie) li pali e tomo lon ma Kape. ni li open pi ma tomo Kape. ona li wile e ma tan ni: tomo tawa telo ona li kama tawa ma la, ona ken kama jo e moku e ijo pona. taso, jan li kama tawa lon e ma li lanpan e ma tan kulupu jan Kosan pi tenpo pini. esun pi jan jo li open lon ma ni kin. tenpo la, ma lanpan Kape li kama suli. tan ni la, jan pi ma Netelan li utala e kulupu jan Kosa.

ma[o ante | o ante e toki ilo]

ma lili[o ante | o ante e toki ilo]

ma Setapika li kipisi tawa ma lili ni:

  • ma Enpunalanka (Mpumalanga)
  • ma Kape pi open suno (Western Cape)
  • ma Kape pi pini suno (Eastern Cape)
  • ma Kape pi poka open e open suno (Northern Cape)
  • ma Koten (Gauteng)
  • ma Linpopo (Limpopo)
  • ma Pisa (Free State)
  • ma pi teje e pini suno (North West)
  • ma Sulu-Nata (KwaZulu-Natal)

jan[o ante | o ante e toki ilo]