ma Silo

ma Silo Tirol Tirolo
len ma
ma suli	ma tomo Inpu
toki lawa	toki Tosi toki Italija

ma Silo (toki Tosi en toki Lasin: Tirol, toki Italija: Tirolo) li ma lon ma Italija lon ma Esalasi. nena suli mute en telo suli mute li lon ona. jan mute li toki Italija li toki Tosi li toki Lasin. ma Silo pi ma Italija la jan pi mute nanpa wan li toki Italija. ni pi ma Tosi la jan pi mute nanpa wan li toki Tosi. taso ona tu li lon ma tu. toki Lasin kin li suli.

ma Silo pi ma Esalasi

ma lili Silo Tirol
len ma	sitelen lawa
ma suli	ma tomo Inpu
toki lawa	toki Tosi

ma lili Silo (toki Tosi: Tirol) li ma lili pi ma Esalasi. lawa ona li lon ma tomo Inpu. jan mute li tawa lon ko walo lon ona. ma lili Sapu li tu e ona. taso tu ni li awen wan tawa lawa. ona la jan pi mute nanpa wan li toki Tosi.

ma Tensino Ato Asite

ma Tensino Ato Asije Trentino-Alto Adige Trentino-Südtirol
len ma	sitelen lawa
toki lawa	toki Italija toki Tosi

ma Tensino Ato Asite (toki Italija: Trentino-Alto Adige) anu ma Tensino Susilo (toki Tosi: Trentino-Südtirol) li ma lili pi ma Italija. lawa ona li lon ma tomo Tento. tenpo pini la ma ni li tu li ma Tensino li ma Susilo. ni tu li kama wan. taso ona li awen ken lawa e ona sama. jan mute pi ma tu li mama e kili loje suwi e kili pi telo nasa.

ma Tensino

ma Tensino Trentino Trentin
len ma	sitelen lawa

ma Tensino (toki Italija: Trentino) anu ma Tensin (toki Lasin: Trentin) li poka wan pi ma Tensino Ato Asije. lawa ona li lon ma tomo Tento. ona la jan pi mute nanpa wan li toki Italija. toki Lasin kin li suli. jan pi mute lili li toki Pesentoleli li toki Sinpa. toki ni tu li poka tawa toki Tosi.

ma Susilo

ma Susilo Südtirol Alto Adige
len ma	sitelen lawa

ma Susilo (toki Tosi en toki Lasin: Südtirol) anu ma Ato Asije (toki Italija: Alto Adige) li poka wan pi ma Tensino Ato Asije. lawa ona li lon ma tomo Posano. ona la jan pi mute nanpa wan li toki Tosi. taso toki Lasin en toki Italija kin li lon. mani mute a li lon ma ni.