ma Sulija

tan Wikipesija
o tawa poki nasin o tawa alasa
ma Sulija

سُورِيَة

Flag of Syria.svg

len ma

Coat of arms of Syria.svg

sitelen lawa

Syria in its region (claimed).svg
ma Sulija (loje)
ma tomo lawa ma tomo Tamaku
ma suli ma Asija
toki lawa toki Alapi
nasin sewi nasin sewi Isilan
nasin lawa kulupu lawa mute / utala insa
jan lawa jan Pasa Alasa
ISO 3166 SY

ma Sulija li ma lon ma Asija pi pini suno. ona li lon kulupu ma Alapi, li lon kulupu ma Lepantin. ma tomo lawa ona li ma tomo Tamaku. ona li lon poka pi ma Lunpan, li lon poka pi ma Ilakija, li lon poka pi ma Utun, li lon poka pi ma Tuki, li lon poka pi ma Isale.

tenpo ni la, utala insa li lon ona. ni li utala insa pi ma Sulija. tenpo ni la jan lawa pi ma Sulija li jan Pasa Alasa. taso ma li utala insa tan ni: kipisi ma li kute ala e jan Pasa Atala. jan pi ma Sulija li toki kepeken toki Alapi.

jan ona li tu tu la tu wan li lon nasin sewi Isilan. jan ante li lon nasin sewi Alawi lon nasin sewi Kolisu.

kon ona li seli li telo lili. ma mute pi ma Sulija li ma pi telo ala. linja telo Pulata li lon.

tenpo pini[o ante | o ante e toki ilo]

ma Sulija li jo e toki tenpo pini suli mute. tenpo pini mute la, jan Ponisa li lon ni. tenpo kama la, ona li lon ma suli Akameni, lon ma suli Loman, lon ma suli Pisantin. tenpo ni la, jan li toki kepeken toki Silijaka. ma tomo Antioko li suli mute lon nasin sewi Kolisu. tenpo sike ale luka tu la, ma suli Umajata Kalipa li moku e ma Sulija. tan ni la ona li kama toki kepeken toki Alapi. tenpo kama la, ma suli Osoman li moku e ma Sulija li jo e ma ale pi kulupu ma Alapi. tenpo kama la, ma suli Osoman li moli. tan ni la ma Kanse li moku e ma Sulija (e ma Lunpan kin). tenpo sike 1946 la, ma Sulija li kama ma. tenpo sike pi mute lili (1958-1961) la, ma Sulija en ma Masu li wan. jan li kama lukin anpa e lawa lon kulupu ma Alapi la, utala insa pi ma Sulija li open.