ma Tosi

ma Tosi
Deutschland anu Bundesrepublik Deutschland
ma Tosi Deutschland anu Bundesrepublik Deutschland
len ma	sitelen lawa
	kalama musi ma Deutschlandlied; (kalama musi toki pi ma Tosi);
	ma Tosi lon kulupu pi ma Elopa (laso pimeja)
ma tomo lawa	ma tomo Pelin
toki lawa	toki Tosi
jan lawa	jan Pan-Wate Sinmije; jan Ola So
mani	mani Elo (Euro)
tenpo	UTC+1
ISO 3166	DE, DEU, 276
lipu ilo	https://www.bundesregierung.de/

lipu ni li wile e pali. sina ken pona e ona.

ma Tosi (toki Tosi: Bundesrepublik Deutschland, "ma kulupu pi ma Tosi") li ma lon ma suli Elopa. telo suli en ma Tansi en ma Posuka en ma Seki en ma Esalasi en ma Suwasi en ma Kanse en ma Lusepu en ma Pesije en ma Netelan li lon poka. ma Tosi li ma suli lon ma Elopa. esun la, ona li ma nanpa wan lon ma Elopa.^[1]

tenpo pini suli la jan li lon ma Tosi. tenpo pini mute la ma Tosi li ma wan ala. nimi ona li "ma suli pi ma Loma sewi" (Heiliges Römisches Reich).

nimi pi toki ante[o ante | o ante e toki ilo]

toki Tosi la, nimi li Deutschland (ma Tosi) li Deutsch (toki Tosi). nimi ni li tan nimi diutisc tan toki Tosi sewi majuna. kon pi nimi ni li "pi kulupu jan". taso, toki ante mute li jo e nimi ante mute. toki Inli la, nimi li Germany (ma Tosi) li German (toki Tosi).

ma pi kulupu Kemani lon tenpo pini la, ma suli Loma li toki e nimi Kemanija (Germania). nimi pi toki Inli pi toki ante mute li kama tan nimi ni.

toki Kanse la, nimi ona li kama tan Alemanija (Alemannia). tenpo pini la, kulupu Alemani li kulupu jan lili pi kulupu Kemani.

nimi ante pi ma Tosi.

tenpo pini[o ante | o ante e toki ilo]

tenpo pi sitelen ala la, jan li lon ma Tosi. jan li kama jo li kama sona e kiwen sijelo pi jan Nijante lon ma ni. tenpo pini suli la, kulupu jan mute pi toki e kulupu toki Kemani li lon ma Tosi pi tenpo ni. ma Loma li wile lanpan e ma ona. taso, kulupu jan Kemani li utala e ona. ma Loma li lawa e ma lili pi ma Tosi.

ma Pankija en ma suli Loma sewi[o ante | o ante e toki ilo]

sitelen ma pi ma mute lon ma suli Loma sewi

tenpo pini la, ma suli Loma sewi li kulupu ma lon ma Elopa. ona li kama tan ma pi jan Kalu suli. ma suli Loma pi pini suno li pakala la, jan Kalu li kama jan lawa suli.

tenpo sike nanpa 814 la, jan Kalu li moli. tan ni la, ma ona li kipisi. ma pi open suno li kama ma suli pi ma Loma sewi. ma pi pini suno li kama ma Kanse. taso, ma suli Loma sewi li jo e lawa wan ala. ona li jo e ma lili ante mute. tenpo mute la, ma ni li utala. taso, ona li jo e jan lawa sewi wan.

tenpo sike nanpa 1806 la, ma suli Loma sewi li pakala.

utala suli nanpa tu[o ante | o ante e toki ilo]

utala suli nanpa tu la ma Tosi li kepeken nasin pi palisa mute. jan Atoje Ite li jan lawa pi ma Tosi Nasi. jan pi ma Tosi li moli e jan mute pi kulupu Jejuta tan wile pi jan Atoje Ite.

utala lete[o ante | o ante e toki ilo]

utala suli nanpa tu li pini la ma Tosi li pakala li kama ma tu: ma Tosi pi open suno en ma Tosi pi pini suno. tenpo sike nanpa 1989 la ma tu ni li kama wan.

kulupu lawa[o ante | o ante e toki ilo]

tenpo ni la kulupu pi jan lawa li tan kulupu pi nasin lawa tu wan: kulupu SPD en kulupu laso en kulupu FDP. jan lawa pi ma Tosi li jan Ola So. ona li open e pali lawa ona lon tenpo sike nanpa 2021. ona li lon kulupu SPD.

ma[o ante | o ante e toki ilo]

ma lili[o ante | o ante e toki ilo]

ma lili	ma tomo lawa
ma Paten Wetenpu	ma tomo Suka
ma Pajan	ma tomo Minsen
ma Pelin	ma tomo Pelin
ma Pantenpu	ma tomo Potan
ma Pemen	ma tomo Pemen
ma Anpu	ma tomo Anpu
ma Ese	ma tomo Wisepaten
ma Mekenpu Wepomen	ma tomo Sewin
ma Nitasasen	ma tomo Anope
ma Nolin Wesepalen	ma tomo Tusito
ma Lijen Pase	ma tomo Min
ma Salen	ma tomo Sapike
ma Saken	ma tomo Tesen
ma Saken Anje	ma tomo Maketepu
ma Selewi Oten	ma tomo Kije
ma Tulinken	ma tomo Ijepo