ma Sensa
| ma Sensa
Sverige | |
|---|---|
 len ma |
 sitelen lawa |
| kalama musi ma
Du gamla du fria | |
| |
| ma Sensa lon ma Elopa | |
| ma tomo lawa | ma tomo Sokon |
| toki lawa | toki Sensa |
| toki ante | kulupu toki Sami toki Sumi toki Menkijeli toki Lomani toki Itesi |
| nasin lawa | lawa pi jan ale |
| jan lawa | jan Ulu Kitenson |
| mani | mani Kona |
ma Sensa (toki Sensa: Sverige, anu Konungariket Sverige) (anu ma Wensa) li ma lon ma suli Elopa. tenpo pi sike suno 2022 la jan 10,521,556 li lon ma Sensa. ma Sensa li lon sewi pi ma Elopa lete lon kulupu ma Elopa. ma Nosiki en ma Sumi li lon poka ona. ma Tansi li lon poka la taso telo suli li insa pi ma tu ni.
nasin lawa[o ante | o ante e toki ilo]
jan lawa suli Kale Kusa nanpa 16 li lawa e ma Sensa, taso jan ni li jo e wawa ala. kulupu lawa li lawa kin e ma ni. kulupu ni li jo e wawa. jan lawa pi kulupu ni li jan lawa pi ma Sensa kin. [1]
kulupu lili lon tomo suli pi pali lawa[o ante | o ante e toki ilo]
kulupu lili mute li lon kulupu lawa suli pi ma Sensa. kulupu lili mute ni li lon anpa (lon toki Sensa en lon toki pona).
- Centerpartiet (C) (kulupu insa)
- Kristdemokraterna (KD) (kulupu pi nasin sewi)
- Liberalerna (L) (kulupu pi nasin lawa lili)
- Miljöpartiet (MP) (kulupu ma)
- Moderaterna (M) (kulupu pi ante lili)
- Socialdemokraterna (S (kulupu kulupu, anu kulupu pi jan pali)
- Sverigedemokraterna (SD) (kulupu pi ma Sensa)
- Vänsterpartiet (V) (kulupu pi nasin lawa loje)
kulupu lawa[o ante | o ante e toki ilo]
tenpo sike 2022 la jan Sensa ale li anu sin e kulupu lawa. tenpo pini la kulupu pi jan pali (S) li lawa. taso tenpo ni la kulupu pi ante lili (M), en kulupu pi nasin lawa lili (L) en kulupu pi nasin sewi (KD) li kulupu lawa. ona li jo e lipu pi lawa wile lon poka pi kulupu pi ma Sensa (SD). tan ni la kulupu SD li pona e kulupu lawa. jan lawa nanpa wan li jan Upu Kiteson pi kulupu (M).
esun[o ante | o ante e toki ilo]
ma Sensa li kepeken mani Kona.
toki lili lawa[o ante | o ante e toki ilo]
laso telo walo: toki Sumi
laso telo: toki Sumi en toki Menkijeli
jelo: kulupu toki Sami
laso kasi walo: toki Sumi en kulupu toki Sami
laso kasi: toki Sumi en toki Menkijeli en kulupu toki Sami
kulupu toki Sami en toki Sumi en toki Menkijeli en toki Lomani en toki Itesi li toki lili lawa (toki Sensa: Nationella minoritetsspråk) pi ma Sensa. tan li ni: tenpo mute la jan mute pi toki ni li lon ma Sensa. ma Sensa li wile awen e toki ni.[2]