ma Loma pi tenpo pini

tan Wikipesija
o tawa poki nasin o tawa alasa
lipu ni li toki lon ma lawa suli pi tenpo pini. sina wile sona lon ma tomo la, o lukin e lipu ni: ma tomo Loma.
sitelen pi ma Loma lon tenpo sike 117. tenpo ni li tenpo wawa pi ma Loma

ma Loma (toki Lasina: Roma) li ma pi tenpo pini. jan pi ma Loma li toki e toki Lasina. toki Lasina la nimi pi ma Loma li Imperium Romanum. nimi lili li Roma.

ma Loma li kama tan ni: ma tomo Loma li ma tomo lili pi kulupu jan Lasina. kulupu jan Lasena en kulupu jan ante li utala e ona. taso ma tomo Loma li pakala e ona mute li kama lawa e ona mute. ma tomo Loma li kama suli mute li kama ma tomo lawa suli. ona li kama lawa ma mute.

tenpo suli nanpa tu wan pi ma lawa Loma li lon. tenpo nanpa wan li ma Loma pi jan lawa wan (toki Lasina: Regnum Romanum). tenpo nanpa tu li ma Loma pi lawa kulupu (toki Lasina: Senatus Populusque Romanus). tenpo nanpa tu wan li ma suli Loma (toki Lasina: Imperium Romanum).

ma Loma li suli mute li jo e wawa mute li lawa e ma mute. tenpo wawa la, ona li lawa e ma mute pi ma Elopa e ma lili pi ma Asija pi ma Apika. lawa ona li open alasa pi nasin sewi Kolisu la, nasin sewi Kolisu li tawa mute.

taso jan utala pi kulupu ante li pakala e ma Loma li tu e ona. tenpo ni la ma Loma li lon ala. taso kipisi pi ma Loma li kama ma mute pi tenpo ni. ma Epanja en ma Potuke en ma Italija en ma Kanse en ma Lominija en ma Kinla en ma ante li kama tan ona.