ma tomo Papilin

tan lipu Wikipesija
Jump to navigation Jump to search
ma tomo Papilin

𒆍𒀭𒊏𒆠

ma tomo moli
The road separating the ruins of Babylon The effects of the city of Babylon.jpg
toki lawa toki Akatu, toki Emeji, toki Alamaja


tenpo pini mute la ma tomo Papilin li ma tomo suli lon ma Mesopotamija. ma Papilin en ma Papilin sin en ma Sasa la ona li ma tomo lawa. tenpo ni la ma tomo Papilin li moli li lon ma Ilakija. nasin telo Pula li kipisi e ma tomo.

tomo kasi suli pi ma tomo Papilin li lon ma tomo ni.

tenpo pini[o ante | o ante e toki ilo]

tenpo pini suli suli la ma tomo Papilin li ma tomo lili. tenpo lawa pi jan lawa Sakon suli la toki nanpa wan pi ma tomo Papilin li open. tenpo poka la kulupu Amulun li tawa ma pi ma tomo Papilin. jan lawa Amulapi li lawa e ma tomo Papilin li utala e ma ale pi ma Mesoptomija. ona li pali e ma Papilin e lipu lawa pi jan Amulapi.

tenpo kama la kulupu Kajatusa en kulupu Kasi li utala e ma tomo ni. tenpo suli la kulupu Kasi li lawa e ma tomo Papilin. ma Asu sin li utala li kama lawa e ma tomo ni. ma Papilin sin li utala li kama anpa e ma Asu sin. jan lawa Napukutulijusu nanpa tu li lawa e ma Papilin e ma tomo Papilin. jan lawa Napukutulijusu nanpa tu li lanpan e kulupu jan Jejuta tawa ma tomo Papilin.

jan lawa Kulu suli pi ma Sasa li utala li kama anpa e ma Papilon sin li kama lawa e ma tomo Papilon. ma tomo Papilon li kama ma tomo lawa pi ma Sasa. jan Alekanto pi ma Maketonija li utala li kama lawa e ma tomo Papilon. ona li moli lon ma tomo Papilon la jan lawa utala ale ona li wile lawa e ma ona e ma tomo Papilon li utala mute tan ni.

ma Pasija en ma Loma en ma Elansa li utala li kama lawa e ma tomo ni. kulupu nasin Isilan li utala li kama lawa li kama moli e ma tomo Papilon. ma tomo ni li kama moli.