meli

tan Wikipesija
o tawa poki nasin o tawa alasa
tenpo mute la sitelen ni pi jan sewi Wenu li sitelen meli.

meli li kulupu pi ijo lon. jan en soweli en waso en kala en akesi en pipi en kasi en ijo ante li ken meli. mije en tonsi li kulupu ante.

sijelo[o ante | o ante e toki ilo]

sijelo meli en sijelo meli en sijelo tonsi li ken ante.

jan[o ante | o ante e toki ilo]

jan la sijelo meli li jo e lupa unpa e nena sijelo sinpin tu e ante lili mute lon tenpo mute. taso meli ale li jo ala e ni ale. meli li ken jo e wan e tu e mute. kin la meli li ken jo ala e ni li ken jo e ante. taso meli mute li jo e ale ni.

meli en mije en tonsi la kalama toki li ante. taso jan li wile la ona li ken ante e kalama toki ona.

meli mute li ken kama e jan sin tan insa pi sijelo ona tan lupa mama ona. taso meli mute li ken ala. ona li kama e jan sina la ona li mama. jan sin li jan lili.

nasin ante

soweli en akesi en waso en kala en pipi la ni li sama. meli pi mute ni li ken jo e soweli sin e akesi sin e waso sin e kala sin e pipi sin. taso kala wan la, mije li jo e kala sin.

meli li ken kama e sin lili kepeken nasin ante mute ni:

  • soweli la meli li kama jo e telo unpa tan mama ante lon insa ona. mama meli soweli li jo e soweli lili lon insa. ni la ona li kama suli. tenpo kama la soweli lili li kama tan insa li kama lon.
  • tenpo mute la akesi meli en waso meli en kala meli en pipi meli li pana e sike mama. tenpo kama la ijo lili ona li pakala e sike mama li kama lon tan ona.

ni la jan li sama soweli.

meli soweli en meli jan la nena sijelo sinpin li pana e telo mama tawa soweli lili (anu jan lili). meli jan li jo e ni la ona li jo e tu lon tenpo mute. meli soweli ante li jo e nanpa ante. telo ni li wawa li pona li suli e soweli lili (anu jan lili).

kulupu jan / nasin jan[o ante | o ante e toki ilo]

nasin meli li ante lon kulupu jan ante.

tenpo mute pi kama lon la kulupu li pana e jan sin lon kulupu meli anu kulupu mije. ni la tonsi li ken lon kulupu ike. ona li kama suli la ona li ken ante e ni.

sama la meli en mije li ken ante e ni. kulupu ona en sijelo ona li sama ala wile ona li sama ala kon ona la ona li ken ante e ona.

kulupu pi ma Elopa la meli mute li jo e linja lawa suli e len noka open e len kule mute. ni li nasin meli tawa kulupu ni. tenpo mute la kulupu li toki e ni tawa meli: "nasin wan li pona tawa meli. meli li wile e ni." taso tenpo ni la meli li ante e nasin ni li kama jo e linja lili e len noka linja e len kule ala.

kulupu mute pi nasin sewi Silami la meli li wile jo e len lawa. jan ante li ken ala lukin e linja ona. taso meli ale ala li jo e ni.

kin la kulupu li pana e sona ante tawa meli tawa mije. (kulupu mute li toki e ni tawa tonsi: "sina meli/mije" li pana ala e sona tonsi tawa ona. taso ni li kama ante).

kulupu mute la nasin pi lawa mije li ike tawa meli. nasin pi wawa meli li wile ante e ni.

selo ona[o ante | o ante e toki ilo]

lukin la meli li ken sama mije anu tonsi li ken ante tan mije anu tonsi.

meli li ken kule ante li ken jo e linja ante li ken jo e sijelo ante. mije anu tonsi la meli li ken suli li ken lili.

soweli[o ante | o ante e toki ilo]

soweli la meli li ken sama mije li ken ante lukin tan mije anu tonsi. soweli mute la mije li suli mute.

kala[o ante | o ante e toki ilo]

kala mute la meli li sama mije.

waso[o ante | o ante e toki ilo]

waso la meli li ken lili li ken kule mute ala.

pipi[o ante | o ante e toki ilo]

pipi la meli li ken ante lukin tan pipi mije.

akesi[o ante | o ante e toki ilo]

akesi la ni li sama soweli.

jan[o ante | o ante e toki ilo]

jan la meli li ken ante lukin tan kulupu jan / nasin jan tan sijelo. taso meli en mije en tonsi li ken sama lukin.

de - en - eo - he - ru - simple - fi