meli kon

tan Wikipesija
o tawa poki nasin o tawa alasa
lipu ni li toki lon meli kon jan. sina wile sona lon meli sijelo pi ijo lon mute la, o lukin e lipu ni: meli sijelo.
tenpo mute la sitelen ni pi jan sewi Wenu li sitelen meli.

meli kon li pilin ni: tawa jan la, ona li meli. tenpo mute la, jan li meli sijelo tan tenpo pi kama lon. taso tenpo ante la, ona li meli tonsi. kin jan li ken tonsi meli pi kon pi meli lili.

kulupu jan en nasin jan[o ante | o ante e toki ilo]

nasin meli li ante lon kulupu jan ante.

tenpo mute pi kama lon la kulupu li pana e jan sin lon kulupu meli anu kulupu mije. ni la tonsi li ken lon kulupu ike. ona li kama suli la ona li ken ante e ni.

sama la meli en mije li ken ante e ni. kulupu ona en sijelo ona li sama ala wile ona li sama ala kon ona la ona li ken ante e ona.

kulupu pi ma Elopa la meli mute li jo e linja lawa suli e len noka open e len kule mute. ni li nasin meli tawa kulupu ni. tenpo mute la kulupu li toki e ni tawa meli: "nasin wan li pona tawa meli. meli li wile e ni." taso tenpo ni la meli li ante e nasin ni li kama jo e linja lili e len noka linja e len kule ala.

kulupu mute pi nasin sewi Silami la meli li wile jo e len lawa. jan ante li ken ala lukin e linja ona. taso meli ale ala li jo e ni.

kin la kulupu li pana e sona ante tawa meli tawa mije. (kulupu mute li toki e ni tawa tonsi: "sina meli/mije" li pana ala e sona tonsi tawa ona. taso ni li kama ante).

kulupu mute la nasin pi lawa mije li ike tawa meli. nasin pi wawa meli li wile ante e ni.