mun Jupite

tan Wikipesija
o tawa poki nasin o tawa alasa
sitelen pi mun Jupite.
mun Ijo en mun Elopa en mun Kanimi en mun Kaliso li sike e mun Jupite.

suno mi la, mun Jupite (toki Lasina: Iūpiter/Iovis) li mun nanpa luka. kulupu suno la, ona li suli mute. ona li kon taso li jo ala e ma kiwen. kon ona li lete. taso, insa ona li seli mute. ma la, mun Jupite li suno lukin. taso, mun Jupite li pali ala e suno sin. sike loje suli li lon selo ona. suli pi sike ni li sama ma tu wan. nimi pi mun Jupite li sama e jan sewi lawa pi nasin sewi Loma.

mun lili mute li sike e mun Jupite. mun mute li lili mute. taso, mun tu tu li suli. nimi ona li mun Elopa, li mun Kanimi, li mun Kaliso, li mun Ijo.