mun Masi

tan Wikipesija
o tawa poki nasin o tawa alasa
sitelen pi mun Masi.
sitelen pi mun Popo en mun Temo

suno mi la, mun Masi (toki Lasina: Mārs) li mun nanpa tu tu lon weka suno Sola. ona li lili nanpa tu. mun Masi la mun Mekuliju taso li lili. ma Tela la, ona li lili. ma pi mun Masi li jo e kiwen mute. ona li lete li jo e kon lili. ona li loje lukin la, nimi ante ona li "mun loje". telo li lon ala ma Masu. taso, kiwen telo lete li lon. ona li jo e nena ma suli. nena ma Olinpu Mon li nena ma nanpa wan lon ma Masu lon kulupu mun suno. nimi pi mun Masi li sama e jan sewi tan nasin sewi Loma. jan sewi ni li jan sewi utala.

jan li tawa mun Masi ala. taso, ilo mun mute li tawa mun Masi. ma Mewika en ma Elopa en ma Losi en ma Nijon en ma Imalasi en ma Sonko li tawa e ilo tawa mun Masi. ilo li awen lon selo. ilo ante li ken tawa lon selo. ilo Insanjuwisi (toki Inli: Ingenuity) li ken tawa lon kon. ilo ante li tawa sike e mun Masi li pali e sitelen pi selo ona.

mun lili tu li sike e mun Masi. nimi ona li mun Popo li mun Temo. ona li kiwen li sike lukin ala.