musi Ma Lito Poni

ike la lipu ni li lili. sina wile pona e ona la sina ken suli e ona.

sike nanpa 2022 la ni li kama sitelen nimi pi musi ni.

musi Ma Lito Poni (My Little Pony, "soweli tawa lili mi") li tan esun Asopo. soweli kule li lon ona li ken toki sama jan li wawa nasa. musi ni li tawa jan lili, taso jan suli mute li kama olin e ona. sitelen kiwen en sitelen tawa en sitelen lipu en musi ilo li lon ona.

nasin soweli

nimi pi nasin soweli li Poni (pony, "soweli tawa lili"). suli la ona li ken lon nasin tu wan:

• soweli ma (earth pony) li wawa mute noka. ona li pali kasi li pali ma.
• soweli kon (pegasus) li ken tawa lon kon. ona li tawa e ko walo sewi li kama e telo sewi.
• soweli palisa (unicorn) li ken pali pi wawa nasa kepeken palisa lawa ona. ona li pali sona.

soweli sewi (alicorn) li wawa ale ni li lawa e ma Ekesija (Equestria, "ma pi soweli tawa").

sitelen (cutie mark, "sitelen pi ijo suwi") li ken lon monsi soweli li toki e nasin ona anu ken wawa ona.

kulupu nanpa wan en kulupu nanpa tu en kulupu nanpa tu wan

lipu ni li pini ala li wile e pali. sina ken pini e ona.

kulupu nanpa tu tu

sitelen tawa pi kulupu nanpa tu tu la soweli li sama ni.

jan Lowen Po (Lauren Faust) li lawa e pali pi kulupu sitelen Ma Lito Poni: Pensi I Masi (My Little Pony: Friendship is Magic, "soweli tawa lili mi: olin li wawa"). ona li open lon sike nanpa 2010 li pini lon sike nanpa 2019.

jan lawa li wile ala e ni: ona li pona tawa meli lili taso sama sitelen pini. tenpo la ona li kama pona tawa jan suli kin. kulupu olin li kama li pali e ijo mute mute.

soweli suli

soweli ni li lawa e kiwen wawa kulupu (Elements of Harmony).

• soweli palisa Wala Pako (Twilight Sparkle, "suno lili pi tenpo pimeja suno") li laso loje. linja ona li laso pimeja li laso loje lili. sitelen ona li suno lili mute. ona li sona mute e wawa palisa li olin a e lipu. ona li awen e lipu mute lon tomo ona.
• soweli ma Apasa (Applejack, "telo nasa kili") li jelo loje. linja ona li jelo walo. sitelen ona li kili. ona li pali lon ma pi kili loje.
• soweli kon Patasa (Fluttershy, "tawa pi luka kon la pilin monsuta tan ijo lili") li jelo walo. linja ona li loje walo. sitelen ona li pipi kon. ona li mama e soweli pi toki ala lon tomo ona lon ma kasi.
• soweli ma Pinki Pa (Pinkie Pie, "pan suwi pi loje walo") li loje walo. linja ona li loje wawa li sike. sitelen ona li sike kon pi tenpo musi. ona li musi lon tenpo ale. ona li pali lon tomo pi pan suwi.
• soweli kon Wenpo Ta (Rainbow Dash, "tawa wawa pi sike kule") li laso. linja ona li kule ale. sitelen ona li ni: ko sewi li pana e wawa pi kule ale. ona li tawa kon pi wawa mute li pilin sewi tan ni.
• soweli palisa Wewisi (Rarity, "mani (tan lili pi mute ijo)") li walo. linja ona li laso pimeja. sitelen ona li kiwen mani, ona li pali e len sijelo mani li pona e selo soweli e linja ona tawa lukin.

soweli suli poka

• akesi Pake (Spike, "palisa kiwen pi ken kipisi") li loje laso. palisa ona li laso. ona li lili mute. soweli Wala li open e sike mama ona la ona li sama mama ona. akesi li pali lon tomo pi soweli Wala.
• soweli sewi Selesija (toki Lasina: (Princess) Celestia, "ma mun") li walo. linja ona li kule ale li suno. sitelen ona li suno. ona li lawa e ma Ekesija li tawa e suno.
• soweli sewi Luna (toki Lasina: (Princess) Luna, "mun") li pimeja laso. linja ona li sama ma mun. sitelen ona li mun li lon selo pimeja a. ona li tawa e mun. open sitelen la ona li lon mun lon tenpo suli tan pali ike ona.
• soweli ma Apo Pun (Apple Bloom, "kama kule pi kasi kili") en soweli kon Kutalu (Scootaloo, "tawa supa musi a") en soweli palisa Sisi Pe (Sweetie Belle, "ilo kalama suwi") li lili mute li jo ala e sitelen monsi la ona li pali e kulupu alasa sitelen (Cutie Mark Crusaders). ona li pali lili lon nasin mute li alasa e nasin ni: ona li wawa lon ona li kama jo e sitelen monsi tan ona.
• nasa Siko (Discord, "pakala tan kulupu ala") li akesi soweli waso linja. ale ona li tan ijo ante. open musi la ona li lon kiwen tan pali nasa ike ona. tenpo wan la ona li weka tan kiwen lon tenpo lili li weka e kiwen wawa li musi kepeken soweli suli. tenpo kama la soweli Selesija li awen pona e kiwen li weka e nasa Siko tan kiwen. tenpo la ona li kama pona li kama lon kulupu soweli.

kulupu nanpa luka

sitelen tawa pi kulupu nanpa luka la soweli li sama ni.

sitelen suli A Nu Seneleson (A New Generation, "kulupu tenpo sin") li open e kulupu nanpa luka lon sike nanpa 2021. ona li lon ma pi kulupu nanpa tu tu, taso ona li lon tenpo kama weka. ilo nanpa li lon sama ma jan. wawa olin li kama weka. pilin pi soweli mute la soweli Wala Pako li lon ala li toki taso. nasin soweli tu wan li kama weka li kama lon ma ante li kama pilin ike tawa nasin soweli ante. soweli ma Sani Saka li alasa pona e ni.

kulupu sitelen Me Jo Ma (Make Your Mark, "o kama e ante awen") en kulupu Te Jo Te pi sitelen lili (Tell Your Tale, "o toki e tenpo pini sina") li open lon sike nanpa 2022 li toki e ni: sitelen suli li pini la seme li kama. ona nanpa wan li pini lon sike nanpa 2023.

soweli suli

• soweli ma Sani Saka (Sunny Starscout, "soweli suno pi tawa alasa mun") li loje jelo. linja ona li loje suwi. ona li alasa wan e kulupu soweli tu wan. pini pi sitelen suli la ona li kama soweli sewi.
• soweli palisa Isi Munpo (Izzy Moonbow, "soweli Isi pi sike kule mun") li laso loje. linja ona li laso telo. ona li pali lipu e ijo musi.
• soweli ma I Tepese (Hitch Trailblazer, "soweli I pi tawa nanpa wan") li jelo loje. linja ona li laso. ona li awen e ma Metan Pe pi soweli ma (Maretime Bay, "ma soweli pi poka telo").
• soweli kon Pi Peto ((Philomena) "Pipp" Petals, "soweli Pi pi lipu kule kasi") li loje walo. linja ona li loje suwi. ona li kalama uta musi li suli lon ma ilo.
• soweli kon Si Son ((Zephyrina) "Zipp" Storm, "soweli Si pi wawa sewi pakala") li walo. linja ona li loje li laso. mama ona li lawa e ma Sepi A (Zephyr Heights, "ma sewi kon").