musi pi jan Malijo

tan lipu Wikipesija
Jump to navigation Jump to search
sitelen pi jan Malijo lon len lawa ona

musi pi jan Malijo (Mario) li kulupu pi musi ilo tan kulupu esun Nintento. mama ona li jan Mijamoto Sikelu. jan Malijo li jan pi suli nanpa wan tawa musi ilo. jan Malijo li kama lon musi ilo, taso ona li kama tawa sitelen tawa en sitelen musi kin.

musi[o ante | o ante e toki ilo]

musi pi jan sama wawa Malijo (Super Mario Bros.) li open pi kulupu musi. musi la jan Malijo li tawa lon ma lawa soko (Mushroom Kingdom) li pakala e monsuta li awen e meli lawa Pisi (Princess Peach) tan akesi lawa Kupa (King Koopa) (akesi Pasa (Bowser) lon toki Inli). musi nanpa wan pi jan sama wawa Malijo li kama lon tenpo sike 1985. tenpo mute la, mije sama pi jan Malijo, jan Luwisi (Luigi), li lon musi ni. nimi "musi pi jan sama wawa Malijo" li kama tan ni.

jan Malijo li ken tawa sewi kepeken noka ona. jan Malijo li tawa anpa lon lawa monsuta la jan Malijo li ken moli e ona. monsuta ni li kili Kulipo (kili Kunpa lon toki Inli) li akesi Nokonoko (akesi utala Kupatupa lon toki Inli) li monsuta mute ante. jan Malijo li kama jo e wawa ante la jan Malijo li ken moku e ijo wawa ante. jan Malijo li moku e soko loje la jan Malijo li kama suli. jan Malijo li moku e kasi kule seli la ona li ken pana e sike seli. jan Malijo li moku e mun la ijo li ken ala pakala e jan Malijo.

kulupu musi pi jan sama wawa Malijo li kulupu musi suli pi jan Malijo, taso jan Malijo li lon musi ante kin. ni mute li musi Malijo Ka (Mario Kart) li musi Malijo pi tenpo musi (Mario Party) li musi Malijo lipu (Paper Mario).

jan[o ante | o ante e toki ilo]

jan Malijo li mije pi ma Italija. ona li jan lon ala. jan Malijo li jan pali ilo telo. ona li jan pi mama sama pi jan Malijo li jan Luwisi. tenpo nanpa wan la jan Mijamoto Sikelu li pali e jan Malijo lon musi Tonki Kon lon tenpo sike 1981. nimi nanpa wan ona li 'jan Sanpuman' (mije pi tawa sewi). jan Mijamoto li ante e nimi ona lon musi nanpa wan pi jan sama wawa Malijo. tenpo ni la jan Malijo li lon musi ilo mute.