musi pi jan lawa moli

tan Wikipesija
o tawa poki nasin o tawa alasa
open pi musi pi jan lawa moli

musi pi jan lawa moli li musi supa utala pi jan tu. jan musi ali li lawa e kulupu utala. kulupu wan li walo la, kulupu ante li pimeja. anpa li kulupu ante la, sina wile tawa awen e mije lawa pi kulupu ante tan ni: ona li ken ala tawa. musi open la, kulupu ali li jo e jan utala nanpa 16. jan utala lili nanpa 8 en jan utala lon soweli nanpa tu en soweli suli (anu "jan sewi" lon toki ante) nanpa tu en tomo utala nanpa tu en meli lawa nanpa wan en mije lawa nanpa wan li lon. taso, jan li ken weka e jan utala pi kulupu utala ante. supa musi li jo e leko[nimi] 64.

jan pi ma ale li musi e musi pi jan lawa moli. jan li toki e ni: tenpo pini mute la, ona li kama tan ma Palata. taso, musi ni li kama ante. musi pi jan lawa moli pi tenpo ni li kama lon ma Elopa. musi ante pi sama lili pi musi ni li kama lon ma ante: musi Sansi li kama lon ma Sonko, musi Soki li kama lon ma Nijon.

tenpo ni la, jan li ken musi e musi pi jan lawa moli kepeken ilo nanpa.

lipu ante[o ante | o ante e toki ilo]