musi sike pi lipu tu tu

tan lipu Wikipesija
Jump to navigation Jump to search
Edit-clear.svg lipu ni li wile e pali. sina ken pona e ona.
jan tawa li lukin jo e wile. jan alasa li lukin pakala e ni.

musi sike pi lipu tu tu (toki Inli: baseball) li musi sijelo. jan Mewika li pali e ona tan musi majuna[nimi] tan ma Inli. ma Mewika la ona li suli mute, li "musi ma" (toki Inli: national pastime). jan mute li musi tan ona lon ma Mewika, lon ma Kanata, lon ma ante pi ma Amelika, lon ma Anku, lon ma Sonko, lon ma Nijon.

kulupu tu li utala. musi li jo e tu pi nanpa 9 lon tenpo mute. tu lili pi nanpa tu li lon tu musi. tu lili nanpa wan la kulupu wan li jan palisa, li jan tawa. kulupu ante li jan alasa. tu lili nanpa tu la, kulupu li ante e pali ona.

lili la ni li lawa: jan palisa li lon lipu lawa, li lukin pali e ni: ona li tawa e sike lili walo kepeken palisa, li kama jan tawa. jan tawa li tawa lipu tu tu, li kama sin lon lipu lawa la, kulupu ona li kama jo e wile wan. taso jan alasa li wile pakala e ni. ona li kama jo e sike tan sewi la, jan palisa o weka. jan alasa li luka e jan tawa kepeken sike la, jan tawa li lon ala lipu pona la, jan tawa o weka.

kulupu musi suli li pali e utala ma pi musi pi lipu tu tu lon tenpo sike ale. tenpo sike 2021 la, kulupu pi musi sike pi lipu tu tu tan ma tomo Alanta li anpa e kulupu "suno" tan ma tomo Juton.