nasin ISO 8601
nasin "ISO 8601" li nasin pi sitelen tenpo. kulupu "ISO" li pali e ona lon tenpo sike nanpa 1988, li sin e ona lon tenpo sike pini kama.
lipu pi tenpo suno[o ante | o ante e toki ilo]
nasin ISO 8601 li kepeken e lipu nanpa tenpo pi jan Kekoli. tenpo ni la, ma mute li nanpa e tenpo suno kepeken lipu ni. tenpo pini suli la, ma mute li sitelen e tenpo suno kepeken lipu ante.
sin la, tenpo pini ale li sitelen kepeken lipu Kekoli. tan ni la, sitelen tenpo ISO 8601 en sitelen tenpo pi tenpo pini li ken ante.
nasin sitelen pi nanpa tenpo suno[o ante | o ante e toki ilo]
- nanpa pi tenpo sike li sitelen kepeken nanpa Alapi tu tu. tenpo sike pi nasin Kolisu li sama.
- nanpa pi tenpo mun li sitelen kepeken nanpa Alapi tu. (tenpo mun nanpa wan li "01". tenpo mun nanpa luka luka tu li "12".)
- nanpa pi tenpo suno li sitelen kepeken nanpa Alapi tu. (tenpo suno nanpa wan li "01". tenpo suno nanpa mute luka luka wan li "31".)
nasin ni la, tenpo open pi lipu Wikipesija li "2021-04-23". tenpo pi "tenpo mun nanpa 10 loje (toki Losi: Красный Октябрь)" pi ma Losi li "1917-11-05". (tenpo pini ni la, lipu nanpa tenpo pi ma Losi li ante. tenpo suno ni li lon tenpo mun nanpa 10 lon lipu pini.)
nasin sitelen pi tenpo lili[o ante | o ante e toki ilo]
nasin tenpo pi ma mute la, tenpo suno li jo e tenpo Ola (toki Lasina: hōra) 24. tenpo Ola wan li jo e tenpo Minuta (toki Lasina: minūta) 60. tenpo Minuta wan li jo e tenpo Sekuntu (toki Lasina: secundus) 60. nasin "ISO 8601" li ken sitelen e tenpo ni.
- sitelen wan li toki e tenpo suno, e tenpo lili la, o open toki e tenpo lili kepeken sitelen "T".
- nanpa ale li sitelen kepeken nanpa Alapi tu.
- ni li ken: nanpa ale li weka ala tan ona ante ("083000"), li ken jo e sitelen ":" weka ("08:30:00").
- ni li ken: sitelen li toki e tenpo Sekuntu ("08:30:00"), li toki ala e ona ("08:30").
nasin sitelen pi ma tenpo[o ante | o ante e toki ilo]
ma ante la, suno li open, li pini lon tenpo ante. ma ante li jo e "ma tenpo" ante. ona la, nanpa tenpo li ante.
nanpa ISO 8601 li ken sitelen e ante ni.
- sitelen "-" li toki e ni: ma tenpo ni li lon monsi pi tenpo "UTC". (tenpo "UTC" 12:00 la, tenpo 12:00 pi ma ni li lon tenpo kama).
- sitelen "+" li toki e ni: ma tenpo ni li lon sinpin pi tenpo "UTC", li sama tenpo "UTC". (tenpo "UTC" 12:00 la, tenpo 12:00 pi ma ni li lon tenpo ni anu tenpo pini).
- tenpo ni li tenpo "UTC" la, sitelen "Z" taso li lon.
- nanpa Alapi tu li sitelen e ante pi tenpo Ola tan tenpo UTC en tenpo pi ma ni.
- ken la, nanpa Alapi tu ante li sitelen e ante pi tenpo Minuta tan tenpo UTC en tenpo pi ma ni. sama sitelen pi tenpo lili, sitelen ":" li ken.
tenpo ISO lon[o ante | o ante e toki ilo]
tenpo suno ni: 2024-04-20
tenpo ni kepeken tenpo "UTC": 2024-04-20T15:54:32Z (nasin ante: 20240420T155432Z)
nimi nasin sin[o ante | o ante e toki ilo]
- lipu "ISO 8601" pi lipu Wikipedia (toki Inli)