nasin To

tan lipu Wikipesija
Jump to navigation Jump to search
sitelen Injan (wawa In en wawa Jan)

nasin pona anu nasin To anu nasin Tawa (toki Sonko: 道教, Dàojiào) li nasin sona li nasin sewi tan ma Sonko. ona li suli tawa kulupu Sonko.

jan pi nasin pona ale li toki e ni:

  • o lon pona poka ale
  • wawa li ike. wawa ala li lon tenpo suli.
  • pali wawa ala li pona
  • sona wawa ala li pona
  • utala li ike
  • wile lili li pona. wile suli li ike.
  • sewi en ma li pona li pana e wile ale
  • ijo li wile e ijo ante. tan ni la ijo ante en ijo sama li wan. tan ni la moli en ale li sama. ijo lon en ijo ala li sama. ijo mute en ijo wan li sama. ijo lili en ijo suli li sama. tan ni la moli li ike ala. jo e lili li ike ala. sitelen Injan an li sitelen e ni.
  • nasin pona li mama pi ijo ale.

tenpo pini suli suli la, jan Lase li pali e lipu Totesin. ni li lipu lawa pi nasin pona. jan ante li pali e lipu pi nasin pona. jan Kawesi li pali e lipu Kawesi. jan Lijesi li pali e lipu Lijesi. tenpo tawa la lipu ante mute mute li wan e tomo lipu Tosan. tomo lipu Tosan li jo e lipu pi tenpo pini suli mute.

nasin pona li pana sona tawa toki pona.

ike la lipu ni li lili. sina wile pona e ona la sina ken suli e ona.