nanpa

tan Wikipesija
o tawa poki nasin o tawa alasa

nanpa li ijo. jan li kepeken e nanpa li sona e ni: ijo li mute anu lili?

nimi nanpa pi toki pona li "wan" li "tu" li "mute". jan mute la, nimi "luka" li tu tu wan, nimi "mute" li luka luka luka luka, nimi "ale" li mute mute mute mute mute.

toki Inli en toki ante mute la, nasin nanpa Alapi li lon. nasin nanpa Alapi li jo e sitelen nanpa luka luka. ona li 0,1,2,3,4,5,6,7,8,9.

nasin pi sitelen nanpa ante[o ante | o ante e toki ilo]

nasin mute pi sitelen nanpa li lon.

toki pona la, nimi nanpa li suli sama lon tenpo ale. "luka" lon open li sama "luka" lon pini.

taso, toki ante la, nasin ante li lon.

nasin nanpa Loma[o ante | o ante e toki ilo]

nasin nanpa Loma la, sitelen "I" li toki e nanpa "wan". sitelen "V" li toki e nanpa "luka". sitelen "VI" li toki e nanpa "luka wan". taso, sitelen "IV" li toki e nanpa "tu tu".

nasin ni la, sitelen pi nanpa lili li lon open sitelen pi nanpa suli la, nanpa lili li weka tan nanpa suli. sina weka e nanpa "wan" tan nanpa "luka" la, nanpa "tu tu" li kama.

  • I = wan (1)
  • V = luka (5)
  • X = luka luka (10)
  • L = mute mute luka luka (50)
  • C = ale (100)
  • D = ale ale ale ale ale (500)
  • M = ale ale ale ale ale ale ale ale ale ale (1000)

nasin nanpa Alapi[o ante | o ante e toki ilo]

nasin nanpa Alapi la, suli pi sitelen nanpa li ante mute. toki mute li sitelen e nanpa kepeken nasin nanpa Alapi.

sitelen "1" li toki e nanpa "wan". sitelen "0" li toki e nanpa "ala".

taso, sitelen "10" li toki e nanpa "luka luka".

nasin ni la, sitelen nanpa li lon open sitelen nanpa ante la, nanpa open luka luka li sin. sitelen nanpa mute li lon la, nanpa li suli mute.

  • ale = 100
  • mute = 20
  • luka = 5
  • tu = 2
  • wan = 1

nanpa "123" li sama kulupu nanpa "ale" wan en kulupu nanpa "luka luka" tu en kulupu nanpa "wan" tu wan.

nasin nanpa Alapi la, jan li ken sitelen e nanpa suli kepeken sitelen nanpa pi mute lili.