nasin pi tenpo suno
|
jan li wile e ni: lipu ni en lipu "nasin pi tenpo suno mun" li kama wan. (o toki). |
nasin pi tenpo suno li ni: kepeken ona la, jan li ken sona e nanpa pi tenpo esun e nanpa pi tenpo suno li ken sona e ijo pi tenpo ni. kepeken ona la, tenpo suno en tenpo esun en tenpo mun li jo e nimi ona. kulupu nimi sama li ken kepeken tawa ni: ona li lipu li jo e nanpa pi tenpo ante lon insa ona.
sike suno en tenpo mun[o ante | o ante e toki ilo]
nasin mun[o ante | o ante e toki ilo]
jan li kama kulupu e tenpo suno la nasin nanpa wan li tan sike mun. tenpo mun wan li tenpo suno 29 anu 30. sike suno li tenpo mun 12 li jo e tenpo suno 354 anu 355 li lili lon poka pi sike suno lon. tenpo ni la nasin pi tenpo suno pi nasin sewi Isilan li nasin ni.
nasin pi mun suno[o ante | o ante e toki ilo]
ona li sama nasin mun pi tenpo suno. taso, ante tan sike suno lon li kama e sike mun la ona li namako e tenpo mun. nasin pi tenpo suno pi ma Sonko en nasin pi tenpo suno pi nasin sewi Jejuta li nasin ni.
nasin suno[o ante | o ante e toki ilo]
suli ona li kama tan sike suno. tenpo mun mute li jo e tenpo suno 31 li suli lon poka sike mun lon. nasin pi tenpo suno Kekolijan (toki Lasina: calendarium Gregorianum, toki Inli: Gregorian calendar) li nasin ni li nasin pi kepeken mute nanpa wan. tan ni la jan mute lon ma Sonko anu jan mute pi nasin sewi Jejuta li kepeken nasin Kekolijan kin.
nanpa pi sike suno[o ante | o ante e toki ilo]
nasin wan pi tenpo suno li ken jo nasin mute pi nanpa sike. sama la jan li ken kepeken e nasin wan nanpa tawa nasin tu pi sike suno. ni la tenpo mute la nasin Julijan en nasin Kekolijan li nanpa e sike tan kama lon pi jan Jesu. taso nasin Julijan li lon tan tenpo ni: jan Jesu li lon ala. ma Nijon la jan li nanpa e sike pi nasin Kekolijan kepeken nasin tu: wan li sama pi ma ante. ante li nanpa e sike lawa pi jan lawa tan mama.
tan ni la sina ken lukin e nasin suli tu: wan la jan lawa sin li kama lawa la jan li nanpa sin e sike nanpa wan. tenpo pini la jan li kepeken mute e nasin ni. nasin ante li ni: sike suno pi ijo suli wan li jo e nanpa wan. nasin pi tenpo suno pi nasin sewi Jejuta kin li nanpa kepeken nasin ni: sewi li pali e ma li sike nanpa wan. sama la nasin pi tenpo suno pi nasin sewi Isilan nanpa tan tawa weka wawa pi jan Muwama.
tenpo esun[o ante | o ante e toki ilo]
tenpo ni la tenpo esun li jo e tenpo suno 7 lon ma ale. lupa lon tenpo tu li lon ala. tan ni la sike suno en sike mun li jo e nanpa kipisi pi tenpo esun. nimi ante la tenpo suno pi tenpo esun pi nanpa ale la sike suno en tenpo mun li ken open.
suli sama pi tenpo esun la, taso open en pini li sama ala. kulupu UNO li nimi e tenpo esun kepeken nasin ni: suno pini li suno pi pali ala lon ma mute. kulupu ma Elopa en ma Sonko en ma Nijon en ma mute ante kepeken e nasin ni. suno nanpa 5 pi nasin ni li suno pi pali ala pi nasin sewi Isilan. suno nanpa 6 li suno pi pali ala pi nasin sewi Jejuta. tan ni la ma mute pi nasin sewi ni li nimi ni e tenpo esun: suno pi pali ala li pini e ona. nasin sewi Kolisu li ante e suno pi pali ala li ante ala e open pi tenpo esun. tan ni la suno pi pali ala li suno open. ma Mewika en ma ante mute li kepeken nasin ni.
nasin pi tenpo suno pi ma Masu pi tenpo pini li ante. tenpo esun li jo e tenpo suno 10. tenpo mun li jo e tenpo esun 3. suno 5 li tenpo esun ala li tenpo mun ala. nasin pi tenpo suno pi tenpo ante lawa ma utala lon ma Kanse li kepeken e nasin sama.