nasin sewi Puta

tan lipu Wikipesija
Jump to navigation Jump to search
Edit-clear.svg lipu ni li wile e pali. sina ken pona e ona.
sitelen pi nasin sewi Puta.

nasin sewi Puta li nasin sewi tan jan Sitata Katama (jan Puta, anu jan Tatakata). nasin sewi Puta li weka e pilin ike. jan pi nasin Puta li toki e ni: pilin ike li tan pilin wile, li jo ala. nimi ni li pilin Tuka (toki Sanki: Dukkha). tenpo pi wile pini la, mi mute li pini e sike Sansala (toki Sanki: Samsara), li kama moli ala, li kama lon ala.


ma Sansala[o ante | o ante e toki ilo]

ma Sansala (toki Sanki: Saṃsāra) li sike pi kama moli pi kama lon. jan ale li ken kama lon ma mute ni. taso, jan pi nasin Tatakata li pilin e ni: kon pi pini ala li lon ala. ale li ken pini. sewi Tatakata li weka tan ni, li weka e jan ante tan ni. mi mute li lon ma Sansala. ni tan la mi mute li pilin ike Tuka (Dukkha). kon Kanma (toki Sanki: Karma, toki Tanti: Kamma) li ante e ma pi jan li kama lon.

kon lon li ken kama lon:

  • ma pi sewi Tewa (Deva)

sewi Tewa li olin e lon. ona li jo e ale pi ona wile, li pilin pona mute. taso, ni li kama ike. tenpo pi ona li pini la, ona li kama anpa ma Sansala. sewi Tewa ken pana pona e jan, taso ona li ken ala pana e pini Nipana (Nirvana, Nibbana) tawa jan.

  • ma jan

jan taso li jo e lawa pona tawa ken kama sona e nasin Tama (Dharma). ni li kama lon pona mute a!

  • ma pi sewi Asula (Asura)

sewi Asula li jan sewi pi pilin ike mute, li pilin seli, li wile utala e jan ante, li wile e mani e pona taso.

  • ma soweli

soweli ken ala lawa e ona. jan lon sijelo ni li taso weka e kon ike Kanma.

  • ma pi kon pi wile moku

kon ni li wile moku, taso ona ken ala moku e ijo. tan ni la ona li pilin ike mute a. ona li ken utala e jan, taso kon mute li taso wile e jan li pali pona.

  • ma pi pilin ike mute

taso jan pi ike mute li lon ni. jan pi moli e ante li lon ni. jan pi unpa e jan pi wile ala li lon ni. tenpo mute la ona li lon ni. kon seli mute en kon lete mute li utala e jan lon ni.

ijo tu tu pi nasin sewi Tatakata[o ante | o ante e toki ilo]

sina li wile sona e ijo tu tu pi nasin sewi Tatakata:

  • ale li jo e pilin ike
  • pilin ike li tan wile
  • pini pi pilin ike li lon
  • pini pi pilin ike li lon nasin pona pi nasin sewi Puta.