kute

tan lipu Wikipesija
(tan nena kute)
Jump to navigation Jump to search

kute (toki Lasina: Auris) li ijo sijelo pilin li nena lon poka lawa jan. sama oko la jan en soweli li jo e kute tu. jan en soweli li pilin e kalama kepeken kute. jan en soweli pi nena mama li pilin kin e tawa anpa e ante tawa.

soweli mute li ken tawa e nena kute ona. jan li ken ala pali e ni.

sijelo kute[o ante | o ante e toki ilo]

kute jan li jo e ijo lili tu wan: kute lon weka (outer ear), en kute lon meso (middle ear), en kute lon insa (inner ear). jan li ken ala lukin e kute lon meso e kute lon insa. jan li ken lukin e kute lon weka.

kute lon weka la, nena kute en nasin kute (ear canal) li lon. ni li tawa e kalama tawa supa kute (eardrum). kalama li tawa supa kute la, jan li ken pilin e kalama suli. kin la, jan li kama sona e ni: kalama li kama tan lon seme?

kute lon insa la, jan en soweli li ken tawa pona. kute lon insa li ken pilin e tawa anpa e ante tawa. jan li pilin e tawa nasa la, ona li ken pilin ike. ni li pilin ike tawa.

kute ala[o ante | o ante e toki ilo]

ℹ️ lipu suli: kute ala

jan mute li jo e kute ala e kute lili. ona li ken kepeken toki luka. jan ni li jo e nena kute. taso, ona li ken ala kute e kalama.

namako kute[o ante | o ante e toki ilo]

jan mute li jo e namako lukin lon kute ona. jan li pana e lupa lon kute ona. lupa ni li ken jo e namako kute.

namako kute li jo e kiwen mani.