nimi:sitelen

tan Wikipesija
o tawa poki nasin o tawa alasa
sitelen - sitelen pona in Sonja Lang's handwriting.svg
pu - sitelen pona in Sonja Lang's handwriting.svg nimi ni li lon lipu pu.

kon

  • nimi "sitelen" li toki e ijo mute. taso, ona ale li jo e wan lawa ni: sitelen li awen e sona.
  1. nimi ijo: ijo ni: ona li lon ijo ante, li pana lukin e ijo.
    lipu ni li jo e sitelen pi jan mute. jan li lukin e lipu ni la, ona li ken lukin e ijo ni: ona li lukin sama jan mute.
  2. nimi ijo: ijo ni: ona li lon ijo ante, li jo e sona.
    sitelen ni li toki e nasin lawa pi ma ni. jan li lukin e ijo ni la, ona li ken kama sona e nasin lawa pi ma ni.
  3. nimi ijo: wan pi sitelen toki.
    sitelen Alepa li sitelen nanpa wan pi toki Elena.
  4. nimi ijo: nasin ni: jan li ken pali e sitelen kepeken ona.
    sitelen pona la, nimi wan li kepeken e sitelen wan.
  5. nimi ante: ijo ni li tan sitelen. ijo ni li pona tawa sitelen.
    ilo sitelen mi li pakala.
  6. nimi pali: o pali e sitelen. o awen e sona kepeken sitelen.
    jan lili li sitelen e jan pona ona.

tan

toki Netelan: schilderen, "o pali e sitelen, o kule e ijo (kepeken ko kule)"[1]

kalama

tan jan Lakuse:

tan sona