pilin ante tan ma tomo Losansele lon tenpo mun nanpa luka wan pi tenpo sike nanpa mute ale mute luka

tan lipu Wikipesija
o tawa lipu nasin o tawa ilo alasa
ijo toki lon lipu ni pi ma Mewika li sin mute li awen kama lon tenpo ni. sina ken sin e ona.

pilin ante tan ma tomo Losansele lon tenpo mun nanpa luka wan pi tenpo sike nanpa mute ale mute luka li tan tenpo suno nanpa luka wan pi tenpo mun nanpa luka wan pi tenpo sike nanpa mute ale mute luka (2025 kepeken nasin nanpa pona), li lon ma tomo Losansele pi ma Kaliponija pi ma Mewika li tan ni: kulupu lawa pi tawa jan pi ma lawa pi mani namako esun lon ma Mewika li alasa e jan tawa pi ken ala, jan meso[nimi] li pilin ante[1].

pilin ante tan ma tomo Losansele lon tenpo mun nanpa luka wan pi tenpo sike nanpa mute ale mute luka
June 2025 Los Angeles protests
kulupu utala pi ma Kaliponija li tawa ma tomo Losansele
tenpo open tenpo suno nanpa 6 pi tenpo mun nanpa 6 pi tenpo sike nanpa 2025
tenpo pini awen (tenpo suno 33) (o sin)
ma ma Mewika
tan jan Tana Tan li tawa e jan tawa mute pi ken ala.
kulupu utala
nanpa wan:
jan lon ma tomo Losansele 		nanpa tu:
kulupu lawa pi ma Mewika

kulupu lawa pi ma Kaliponija

weka
jan tu wan li jo e sijelo pakala
jan 411 li jo e pali ike[2] 		jan luka wan li jo e sijelo pakala
soweli tawa luka li jo e sijelo pakala
weka ali
jan luka tu pi ijo sin li jo e sijelo pakala. jan wan tan ma Sonko en jan wan tan ma Oselija li jo e sijelo pakala

pilin ante li suli lon tenpo suno nanpa luka wan pi tenpo mun nanpa luka wan li kama utala[3], tenpo suno nanpa luka tu pi tenpo mun nanpa luka wan la utala li tawa ma tomo Pewaman en ma tomo Kanton, utala li kama suli. utala li kama suli la, jan Tana Tan li pana e jan utala tu wan ale [nnp] lon kulupu utala pi ma Kaliponija tawa ma tomo Losansele kepeken kipisi nanpa wan ale mute tu tu ale luka wan (12406 kepeken nasin nanpa pona) pi kulupu nanpa luka luka lon lipu lawa pi ma Mewika[4]. kulupu tan nasin loje en ken ali en kulupu tan ken pi jan tawa pi nasin jan lon ma tomo Losansele en kulupu pi jan pali lon ma tomo Losansele li pilin pona tawa pilin ante[5], kulupu utala pi telo suli lon ma Mewika li wile tawa pilin ante ni[6]. tenpo suno nanpa luka tu tu pi tenpo mun nanpa luka wan la, kulupu utala pi telo suli lon ma Mewika li tawa ma tomo Losansele, tenpo suno sama la kulupu lawa pi ma Kaliponija li pilin ike tawa kulupu lawa pi ma Mewika tan ni: jan Tana Tan li ike e ken pi ma lili, kulupu lawa pi ma Kaliponija li wile weka e kulupu utala li pana e ijo ni tawa ma lawa[7]. tenpo suno nanpa luka luka pi tenpo mun nanpa luka wan la, jan lawa pi ma tomo Losansele li toki e ni: ma tomo Losansele li lon tenpo ike. kin la, jan lawa pi ma tomo Losansele li pini e ken pali lon tenpo pimeja, taso jan lawa en jan pi pona sijelo en jan lon en jan pali en jan pi ijo sin li lon nasin ni ala[8][9]. tenpo suno nanpa luka luka tu la ma lawa li pana e ijo ni: kulupu lawa pi ma Mewika o weka e kulupu utala lon tenpo suno nanpa luka luka tu wan[10].

jan Tana Tan en kulupu pi pona ma lon ma Mewika li pilin ike tawa jan lawa pi ma Kaliponija en jan lawa pi ma tomo Losansele[11]. jan lawa 22 pi kulupu Temokasi li toki e ni: jan Tana Tan li pali e ike, jan Kamala Ewi li toki e ni: jan Tana Tan "li pali ike li pali e monsuta[nimi]"[12].

tan[o ante | o ante e toki ilo]

tenpo mun nanpa luka luka wan pi tenpo sike nanpa mute ale mute tu tu (2024 kepeken nasin nanpa pona) la jan Tana Tan li kama jan lawa lon wile pi jan lawa li anpa e jan Kamala Ewi la, kulupu lawa pi ma tomo Losansele li toki e ni: mi ma tomo pi ma awen[13][14]. nasin lawa pi jan tawa tan jan Tana Tan li anpa lukin mute tan kulupu pi jan tawa lon ma tomo Losansele[15].

tenpo mun nanpa luka pi tenpo sike nanpa mute ale mute luka la jan Tana Tan li pana e nasin weka lon ma pali pi jan tawa[16].

insa[o ante | o ante e toki ilo]

tenpo suno nanpa luka wan pi tenpo mun nanpa luka wan[o ante | o ante e toki ilo]

tenpo Minu nanpa 15 pi tenpo Awa nanpa 9 (UTC-7) pi tenpo suno nanpa luka wan (tenpo suno nanpa luka pi tenpo esun wan) la, pali wan tan weka e jan tawa li lon ma pi nasin len pi ma tomo Losansele, pali ante tu li lon ma Wele pi ma Losansele li lon ma wan pi esun len en ma esun Tajontepo wan[17][18]. jan pali tan weka e jan tawa li jo e sitelen lawa pi kulupu lawa pi ma Mewika e sitelen lawa pi kulupu pi pona ma lon ma Mewika e sitelen lawa pi kulupu pi telo nasa pi kasi nasa pi ilo seli pi ijo pi open wawa (Bureau of Alcohol, Tobacco, Firearms and Explosives)[18]. kulupu pi pona ma lon ma Mewika li pali ike e jan tawa 44 e jan wan tan ike e pana lawa. jan Tewi Wata (David Huerta) li wile pini e tomo tawa li jo e pali ike[18].

jan pi pilin ante en jan pi kulupu lawa pi tawa jan pi ma lawa pi mani namako esun lon ma Mewika li utala lon ma Wele[3]. jan pi kulupu lawa pi tawa jan pi ma lawa pi mani namako esun lon ma Mewika li pali ike e jan ante mute lon ma wan pi esun len, jan pi kulupu lawa pi tawa jan pi ma lawa pi mani namako esun lon ma Mewika en jan pi pilin ante li utala lon ma esun ni kin[nimi], tenpo pimeja la jan tu ale pi pilin ante li lon tomo pi jan ike, tenpo monsi la kulupu lawa pi ma tomo Losansele li ken ala e pilin ante ni. jan li sitelen lon ma lawa li kulupu lon selo pi ma lawa. jan pi pilin ante li pana e ijo pakala tawa jan pi kulupu lawa pi tawa jan pi ma lawa pi mani namako esun lon ma Mewika, jan pi kulupu lawa pi tawa jan pi ma lawa pi mani namako esun lon ma Mewika li pana e ijo pakala pi moli ala tawa jan pi pilin ante. tenpo Minu nanpa 24 pi tenpo Awa nanpa 20 (UTC-7) la, ma tomo ale li kama ken pali ala lon tenpo pimeja[10].

tenpo suno nanpa luka tu pi tenpo mun nanpa luka wan[o ante | o ante e toki ilo]

pilin ante li awen lon tenpo suno nanpa luka tu pi tenpo mun nanpa luka wan[19]. kepeken toki tan jan lawa pi ma tomo Pewaman la, jan pi pilin ante en jan pi kulupu lawa pi tawa jan pi ma lawa pi mani namako esun lon ma Mewika li utala lon ma poka pi ma esun Tajontepo wan, tenpo sinpin la jan pi kulupu lawa pi tawa jan pi ma lawa pi mani namako esun lon ma Mewika li alasa e ni: jan li kulupu lon ma poka pi ma esun Tajontepo wan[19]. kulupu lawa pi tawa jan pi ma lawa pi mani namako esun lon ma Mewika li pilin e ni: jan 1000 li lon pilin ante li lon selo pi ma esun Tajontepo. kulupu lawa pi tawa jan pi ma lawa pi mani namako esun lon ma Mewika la, jan tawa 118 pi ken ala li jo e pali ike lon tenpo suno nanpa 7 pi tenpo mun nanpa 6 lon ma tomo Losansele[20].

ma tomo Pewaman la, jan pi pilin ante li pini e nasin tawa kepeken e ilo tawa e poki pi ijo jaki. jan anpa pi pilin ante li pana e ijo pakala tawa jan pi pilin ante, jan tu li jo e sijelo pakala[21].

jan Tana Tan li pana e jan utala 2000 tawa ma tomo Losansele, jan utala li awen lon tenpo suno 60[22]. kulupu utala pi telo suli lon ma Mewika li wile kama pilin ante[23].

tenpo suno nanpa luka tu wan pi tenpo mun nanpa luka wan[o ante | o ante e toki ilo]

jan pi pilin ante (poka open pi sitelen Lasina) en jan utala

tenpo suno nanpa luka tu wan la pilin ante li awen taso ona li kama lili, jan wile pi pilin ante li toki tawa jan meso li wile awen e pilin ante[24]. tenpo walo la, jan mute mute li kulupu li tawa tomo pi jan ike lon ma tomo Losansele[25]. tenpo Awa nanpa 14 (UTC-7) la, tawa suli sin li lon ma tomo Losansele.

jan Ton Oman li toki e ni: jan li kama jo ala e lon ona (toki Inli: 'Someone's going to lose their life')[26]. tenpo monsi la jan Tana Tan li toki e ni: pilin ante li kama lili ala la, mi pana e kulupu utala lon ma Mewika ale[27].

sitelen[o ante | o ante e toki ilo]

tan sona[o ante | o ante e toki ilo]

  1. ↑ California leaders condemn Ice raids in LA: 'We will not stand for this'
  2. ↑ 2,000 National Guard troops will be sent to L.A. amid clashes over immigration raids
  3. ↑ 3.0 3.1 Police use flash-bangs, tear gas to quell ICE raid protests in L.A.
  4. ↑ Department of Defense Security for the Protection of Department of Homeland Security Functions
  5. ↑ National Guardsmen arrive in response to LA's 'violent mobs'
  6. ↑ Trump to Send National Guard to LA to Quell Immigration Protests: Live Updates
  7. ↑ 美国防部派海军陆战队进入洛杉矶 加州起诉特朗普侵犯州主权
  8. ↑ Mayor Karen Bass Declares 'Local Emergency,' Orders Curfew to Address 'Crisis in DTLA'
  9. ↑ Curfew Announced in Downtown Los Angeles | City of Los Angeles
  10. ↑ 10.0 10.1 Judge blocks Trump administration from deploying National Guard to Los Angeles
  11. ↑ National Guard to Be Deployed to LA After ICE Protests, Fox Says
  12. ↑ 川普罵加州「無能」! 賀錦麗斥製造恐慌與分裂 22州長批白宮濫用權力
  13. ↑ National Guard to mobilize amid L.A. protests, Trump's border czar says
  14. ↑ L.A. to become a 'sanctuary' city for migrants in response to Trump threat
  15. ↑ 'Freaked out': Fear, uncertainty grip California's immigrant community as Trump rolls out crackdown plan
  16. ↑ Trump Targets Workplaces as Immigration Crackdown Widens
  17. ↑ ACLU Statement on ICE Raids in Los Angeles
  18. ↑ 18.0 18.1 18.2 Agents Use Military-Style Force Against Protesters at L.A. Immigration Raid
  19. ↑ 19.0 19.1 Chaos in L.A. County as Protesters Clash With Immigration Agents Again
  20. ↑ Immigration enforcement in Los Angeles sparks clash between federal agents, protesters
  21. ↑ Chaos erupts at Paramount Home Depot as protesters confront immigration agents
  22. ↑ Trump invoked Title 10 to deploy the National Guard in Los Angeles. Here are the legal issues at play
  23. ↑ Defense Secretary Pete Hegseth said in a post on X that active duty Marines were "on high alert" at Camp Pendleton, about 100 miles south of Los Angeles, and could also be mobilized.
  24. ↑ Protests dying down, no sign of National Guard
  25. ↑ Boyle Heights protesters demonstrate peacefully, encounter tear gas
  26. ↑ Trump border czar warns L.A. protesters: 'Someone's going to lose their life'
  27. ↑ 'We will have troops everywhere' if protests grow – Trump
tan https://wikipesija.org/index.php?title=pilin_ante_tan_ma_tomo_Losansele_lon_tenpo_mun_nanpa_luka_wan_pi_tenpo_sike_nanpa_mute_ale_mute_luka&oldid=44218