uta

tan Wikipesija
(tan pilin uta)
o tawa poki nasin o tawa alasa

uta li lupa lawa sijelo. soweli mute la kiwen uta en palisa uta li lon uta. ijo lon mute li jo e uta li moku kepeken ona. ante la uta li ken pali e kalama.

moku la uta li ken pakala e moku. ona li ken pali e ni kepeken kiwen uta. sama la soweli mute li utala kepeken kiwen uta. uta li ken pilin e moku. ona li ken pali e ni kepeken palisa uta.

ijo li ken insa e kon li ken pana e ona kepeken uta.

jan li ken toki kepeken uta. kalama toki li kama tan insa uta. soweli en akesi en waso li mu taso kepeken uta. kala en pipi li ken ala kalama kepeken ona.

uta li ken pali e kalama musi. kalama ni li kama tan uta li tawa lon kon. jan en waso li pali e ni.

palisa uta[o ante | o ante e toki ilo]

palisa uta anu palisa toki li lon insa pi uta. soweli li kalama la ona li ken ante e kalama kepeken palisa ni. palisa uta li ante e moku lon insa uta li pilin e moku li pana e musi moku.

pilin uta[o ante | o ante e toki ilo]

pilin uta la, jan li pilin e ijo kepeken palisa uta ona. nena mute li lon palisa. pilin uta li kama tan nena ni. jan li wile e pilin uta ante la, jan li ken pana e namako. pilin uta suli li suwi li pilin Sour li pilin Salty li pilin Bitter li pilin Umami.