sitelen Anku

tan Wikipesija
o tawa poki nasin o tawa alasa
nimi "Hangul" lon sitelen Anku

sitelen Anku (toki Anku: 한글 ha(ː)n.ɡɯl) li nasin sitelen. toki Anku en toki Sesu li kepeken nasin sitelen ni. jan Seson pi ma Soson li pali e sitelen Anku. tenpo suno 1443 la jan Seson li pali e lipu Uminsonun. nimi lipu li "kalama pona pi jan mute"( toki Anku: 훈민정음訓民正音).

tan[o ante | o ante e toki ilo]

jan lawa Seson li pali e sitelen Anku. jan Anku pi nanpa lili li toki e ni: jan lawa Seson li sona e sitelen mute Palata. tan ni la sitelen Anku li tan sitelen Palata. taso jan mute Anku li toki e ni: jan lawa Seson li pali e sitelen Anku tan ona taso.

tenpo pini la jan li kepeken sitelen Kansi lon ma Soson pini. jan lawa Seson li pali e sitelen Anku tan ni: jan mute pi ma Soson pini li sona ala e sitelen Kansi. ona li olin mute e jan ma. taso pali pi jan lawa Seson li ike tawa jan sona pi ma Soson pini tan ni: ona li kama jo e wawa tan sona pi sitelen Kansi.