sitelen Lasina

tan lipu Wikipesija
Jump to navigation Jump to search
sitelen ale pi sitelen Lasina

sitelen Lasina li nasin sitelen pi toki Lasina (toki Lasina: lingua latina).

tenpo open la sitelen Lasina li kama tan sitelen pi toki Lasena (Rasenna) tan sitelen pi toki Elena. tenpo pini kama la sitelen Lasina li kama jo e sitelen sin li ante. toki ante li open sitelen kepeken sitelen Lasina.

tenpo ni la toki mute li sitelen kepeken sitelen Lasina.

sitelen Lasina pi tenpo ni li jo e sitelen ni:

sitelen suli A B C D E F G H I J K L M N O P Q R S T U V W X Y Z
sitelen lili a b c d e f g h i j k l m n o p q r s t u v w x y z

sin la sitelen Lasina pi toki ante li ken jo e sitelen sin.

nasin pi sitelen ilo Asuki (toki Inli: ASCII, "nasin pi toki ilo pi ma Mewika") li jo e sitelen ale Lasina pi toki Inli li pona tawa ilo sona mute. jan mute li ken toki kepeken sitelen Lasina kepeken ilo sin ante. tan ni la toki sin mute li sitelen kepeken sitelen Lasina.

sitelen kule[o ante | o ante e toki ilo]

sitelen kule sewi[o ante | o ante e toki ilo]

sitelen kule sewi li sitelen kule, ni li kepeken tan kalama sewi anu kalama wawa anu kalama ante lon kalama lili, lon kalama suli, ni li kepeken tan kule pi sewi kiwen taso ŕ li kepeken tan r wawa

sitelen suli Á Ć É Ǵ Í Ĺ Ń Ó Ŕ Ś Ú Ý Ź
sitelen lili á ć é ǵ í ĺ ḿ ń ó ŕ ś u ý ź

sitelen kule anpa[o ante | o ante e toki ilo]

sitelen kule sewi li sitelen kule, ni li kepeken tan kalama anpa anu kalama ante lon kalama lili

sitelen suli À È Ì Ǹ Ò Ù
sitelen lili à è ì ǹ ò ù