sitelen tawa Pelejewana

tan lipu Wikipesija
Jump to navigation Jump to search

sitelen tawa Pelejewana (toki Inli: Blade Runner) li sitelen tawa musi pi ilo nasa tan tenpo suno 1982. jan lawa pi pali e sitelen tawa ni li jan Witeli Seko (Ridley Scott). jan musi ni li suli lon sitelen tawa ni: jan Awison Po (Harrison Ford) en jan Luke Jawe (Rutger Hauer) en jan Son Jun (Sean Young). ona li sama lili e lipu nimi "ilo jan li jo ala jo e sitelen lape pi ilo soweli?" (Do Androids Dream of Electric Sheep?) tan jan Pile Teke (Phillip K. Dick).

toki pi sitelen tawa ni li lon ma tomo Losansele lon tenpo suno 2019. toki pi sitelen tawa li ni: jan Teka (Rick Deckard) li jan alasa pi ilo jan ("jan Pelejewana"). ilo jan ni li lukin sama li pali sama tawa jan lon. taso, ona li jan powe. ilo jan li jo e wawa sijelo mute. jan lon li jo we ilo jan li pana pali ike tawa ilo jan lon mun Masi. ni li ike mute tawa ilo jan. kulupu pi ilo jan pi nanpa tu tu li weka wawa e mun Masi. ona li kama tawa ma tomo Losansele. tan ni, kulupu lawa li pana e pali tawa jan Teka. jan Teka li wile alasa li wile moli e ilo jan.

sitelen tawa ni li pona tawa jan mute. tenpo ni la, jan mute li pilin pona tawa ona kin. tenpo suno 2017 la, sitelen tawa pi nanpa tu li pana. nimi ona li "sitelen tawa Pelejewana pi tenpo suno 2049" (Blade Runner 2049).