sitelen tawa Puwela Maki Matoka Makika
sitelen tawa Puwela Maki Matoka Makika (toki Nijon: 魔法少女まどか☆マギカ") li sitelen tawa pi lon ala pi ma Nijon. tenpo mute la jan li toki e nimi lili "Matoka Makika." tenpo sike 2011 la kulupu pali musi Makika Kuwateto li pali e sitelen tawa. kulupu pali musi Saputo li sitelen e sitelen tawa ona. linja toki li ni: jan Matoka Kaname en kulupu pi jan pona ona li pali e lipu wawa nasa lon li kama jan meli pi wawa sewi. ona mute li utala e jan ike pi wawa sewi nasa la ona mute li kama sona e pilin ike pi jan meli wawa sewi.
kin la lipu pi sitelen musi pi ma Nijon li lon. kulupu pi sitelen tawa lili en kulupu pi sitelen tawa suli tu li lon. kin la tenpo sike 2013 la sitelen tawa suli pi nanpa tu wan Lepelijon li kama lon. tenpo sike 2017 la musi li kama lon. tenpo sike 2017 la kulupu pi sitelen tawa lili Makija Lekoto li kama lon.
sitelen tawa Puwela Maki Matoka Makika li pona tawa jan mute tan ni: ona li jo e linja toki pona e kalama musi pona li pona lukin a. kin la ona li ante tawa sitelen tawa musi pi jan meli pi wawa sewi.
