sitelen telo

tan lipu Wikipesija
Jump to navigation Jump to search

sitelen telo li sitelen pi toki pona tan jan u/efofeks lon ilo Wesi. sitelen ni li sama e sitelen pi toki Nijon. sitelen telo li nasin sitelen tu:

  • nasin pi linja telo la, sitelen li jo e sona wan. linja telo pi toki pu en linja telo pi nimi sin lili li lon. jan li ken sitelen e nimi pi toki pona kepeken linja telo.
  • nasin pi linja sin la, sitelen li jo e kalama wan. kalama ale pi toki pona li lon nasin ni. jan li ken sitelen e nimi pi toki pona ala kepeken linja sin.

mama pi sitelen telo li toki e ni: jan li sitelen e ona tan sewi tawa noka, li sitelen e ona tan poka pi sitelen ala tawa poka ante. telo pimeja lon luka li jaki tawa ona.

o wile e sona mute la, o tawa pana ona lon ilo Wesi.