soweli pi nena mama

tan lipu Wikipesija
Jump to navigation Jump to search
ike la lipu ni li lili. sina wile pona e ona la sina ken suli e ona.
soweli pi nena mama
Mammal Diversity 2011.png
kulupu pi nasin sona
Animalia
Chordata
Tetrapoda
Reptiliomorpha
Amniota
Synapsida
Mammaliaformes
Mammalia

soweli pi nena mama (toki Lasina: Mammalia) li kulupu soweli. ona li jo e nena mama e linja selo e poki insa mama li jo e palisa sijelo. meli ona li ken pali e telo mama. mute la, soweli ni li jo e linja selo mute. mute mute la, soweli meli ni li ken pana e soweli lili sin. taso, soweli pi nena mama majuna (toki Lasina: Monotremata) li pana e soweli lili sin ala. ona li pana e sike. soweli lili sin kama tan sike ni.

kulupu soweli ni la, jan li lon.

sijelo pi soweli ni li ante mute. sijelo li ken tawa ma li ken tawa telo li ken tawa ma anpa li ken tawa kasi li ken tawa kon sewi. soweli ni li ken lon ma ale.

sona ona[o ante | o ante e toki ilo]

soweli ante mute li ken jo e sona lili. taso, kulupu soweli ni li ken jo e sona mute. ni li tan ni: kulupu soweli ni li jo e kipisi suli mute lon lawa. toki Inli la, ni li "neocortex". kipisi lawa ni li lon la, soweli li ken kama jo e sona sin mute. tan ni la, soweli ni li ken pali sin. pali ni li ken ante tan pali ona pi tenpo pini. soweli ante li ken lili ni li ken ala ni.

soweli mute li pilin ala sama jan. taso, soweli ni li ken pilin mute sama jan.

kulupu[o ante | o ante e toki ilo]

insa pi kulupu soweli ni la, kulupu mute li lon. kulupu suli nanpa wan li soweli pi moku lili (toki Lasina: Rodentia). kulupu suli nanpa tu li soweli pi luka waso (toki Lasina: Chiroptera).

sitelen[o ante | o ante e toki ilo]