suno

tan Wikipesija
(tan suno sike)
o tawa poki nasin o tawa alasa
nimi ma kepeken sitelen pona

suno li mun pi suli nanpa wan lon sewi. ona li pana e suno mute tawa ma. kin la, suno li wawa.

suno li linja lili wawa. sama la suno li pana e suno. jan li ken lukin e suno.

suno ma li tan suno mi. suno la kasi li ken pali e moku. jan li ken pali kin e suno kepeken seli li ken pali e suno kepeken wawa.

suno lon sewi[o ante | o ante e toki ilo]

The Sun by the Atmospheric Imaging Assembly of NASA's Solar Dynamics Observatory - 20100819.jpg

suno li mun suno lon insa pi kulupu suno mi. ona li sike pi kon suno. insa pi wan ijo li kama wan li pali e wawa mute lon insa suno. mun mute li sike e suno. ni li kulupu suno. ma li mun lon poka nanpa tu wan pi suno. mun en ma la, suno li mama wawa pi suli nanpa wan.

lukin jan lon selo ma la, suno li sike suli lon sewi. selo kon la, suno li ken jelo lukin. tenpo pi open suno pi pini suno la, suno li ken loje lukin. suno li tawa sewi lon open suno li tawa anpa lon pini suno. tenpo suno la, jan li ken lukin e suno. tenpo pimeja la, jan li ken ala lukin e suno. suno li kama li weka la, tenpo suno wan li tawa. tenpo sike li jo e tenpo suno pi mute 365.

wawa suno[o ante | o ante e toki ilo]

nasin pi wawa suno

suno li tawa nena (waves). suno li jo e nena mute pi suli sama. nena ni li ante la, jan li lukin e kule ante. ilo pi kalama weka la jan li kepeken e suno. wawa suno li tawa mute lon tenpo lili. ni la, jan li ken toki kepeken ilo tawa jan lon weka mute.

ilo suno[o ante | o ante e toki ilo]

suno ilo

jan li wile e suno la jan li pali e ilo suno. suno ni li kama tan wawa

kule[o ante | o ante e toki ilo]

suno walo li kama suno mute kule.

suno wan li walo. jan li mute e suno la suno li kama kule ante. ante kule li tan ante suli pi tawa nena.