tawa ma lon ma Mijama lon tenpo sike nanpa 2025

ijo toki pi lipu ni li sin mute li awen kama lon tenpo ni. sina ken sin e ona.

tawa ma lon ma Mijama lon tenpo sike nanpa 2025 (toki Mijama: ၂၀၂၅ မြန်မာ ငလျင်) li tan tenpo Sekon nanpa 54 pi tenpo Minu nanpa 50 pi tenpo Awa nanpa 12 pi tenpo suno nanpa 28 pi tenpo mun nanpa 3.wawa ona pi nanpa wan li nanpa Wita pi tawa ma ML 8.2.insa pi tawa ma li lon ma tomo Mantale.tomo pi ma Tawi li kama anpa tan ni.ma lili Inan pi ma Sonko li ken pilin e tawa.tenpo suno nanpa 20 pi tenpo mun nanpa 4 pi tenpo sike nanpa 2025 la,tawa ma ni li pali e ni: jan pi mute 5,407 li moli,jan pi mute 11,402 li jo e sijelo pi pona ala,jan li sona ala e ma lon pi jan pi mute 585.ma Mijama en ma Tawi li lon tenpo ike.ma Wije en ma Sonko en ma Tawi en ma Malasija en ma Mijama en ma Kanpusi en ma Lajo li ken pilin e tawa.ma Sonko en ma mute li pana e mani e moku e jan alasa e ilo tan tawa ma ni.

tomo suli pi ma Tawi li kama anpa.

utala insa pi ma Mijama li ike e pana pona.tomo mute mute lon ma Mijama li pakala tan tawa ma,ni la,jan mute li anpa kiwen tan kipisi tomo.kin la, tawa ma li pakala e tomo sewi pi nasin sewi Puta en nasin sewi Silami.ona li tawa ma pi wawa nanpa tu lon ma Mijama.ma Mijama la ona li tawa ma pi wawa nanpa tu.tawa ma suli li pini lon tenpo lili la, tawa ma lili mute kin li lon.

tan pi tawa ma

ma Mijama li lon insa pi ma kipisi mute sama ma kipisi Palata en ante mute,ma kipisi li tawa la supa ma li tawa.tenpo pi mute ala la ma Mijama li lon tawa ma,taso tenpo mute la tawa li wawa li ken ike e ma Mijama li moli e jan mute li ike.kin la, linja kipisi^[nimi] li lon ma pi anpa mute li lon anpa pi ma Mijama.

ante ike

jan

ante ike jan

ma	nanpa moli	nanpa pi sijelo pakala	nanpa pi jan li sama ni: jan ante li sona ala e ma lon ona
ma Mijama	5,352	11,366	538
ma Tawi	54	34	47
ma Sonko	0	2	0
ma Wije	1	0	0
nanpa ale	5,407	sama 11,402+	sama 585+

tomo

ma Mijama la tomo mute mute li pakala, jan li lon anpa pi kipisi tomo.ma Tawi li lon poka pi ma Mijama la, pakala li lon kin.tomo suli wan lon ma tomo Panko li pakala.ma Sonko la, tomo mute li tawa pi mute mute ala.ma Wije la, tomo mute li tawa li pakala lili kin.

ma tomo Mantale la tomo suli li kama anpa

tawa ma ni li pakala e tomo 8300+ pi nasin sewi.tenpo pini la jan mute mute pi nasin sewi Silami li pali sewi la tomo pi nasin sewi Silami li kama anpa.ni la, ona mute li lon anpa pi kipisi tomo li moli.

ma Mijama

nanpa pi ante ike lon ma Mijama li jo e nasin mute.ma mute wan la jan kulupu luka tu ale ale ale+ (17,000,000+ kepeken nasin nanpa pona) li anpa ike.kin la sijelo moli mute li lon li len ala, jan li pilin e ni: ni li ken pali e jaki suli li ken ike e jan.

ma Mijama la tomo 120,000 li pakala.tomo 48,834 li kama anpa li kama kipisi tomo.kin la tomo 1,000 pi kulupu lawa li kama anpa li kama kipisi ko.tomo 50 pi nasin sewi Silami li kama anpa li kama kipisi tomo.jan pi nasin sewi Silami 700 li moli.(kulupu lawa pi ma Mijama la nanpa li 500) tomo 3,094 pi nasin sewi Puta li kama anpa li kama kipisi tomo.ma sona 2,045 en tomo pali 2,171 en nasin 148 pi sewi telo en tomo suli sewi 5,275 li kama anpa li kama kipisi tomo.kin la ma 167 pi pona sijelo en ma 198 pi kepeken telo pi pini telo (dam) en nasin suli 184 li pakala. ma tomo Nepito la sewi tomo li kama anpa.ma pi tomo tawa kon pi ma tomo Nepito la jan ali li moli.ma pi pali pan la jan moli li mute ala.pali sewi la tomo sewi 50 pi nasin sewi Silami li kama anpa, ni la jan 300 li moli.

ma tomo Mantale la jan 1790 li moli, jan li sona ala e ma lon pi jan 1000+, jan 1670 li jo e sijelo pakala.tomo pi wan lon tu kipisi tan wan pi ma tomo Mantale li kama kipisi la jan mute mute li lon anpa pi kipisi tomo.tomo 17,637 li pakala.ma insa pi jan ike lon ma tomo Mantale la jan 12 li moli.

ma tomo ante la pakala mute kin li lon.

tawa ma ni la, jan mute pi ma ante li moli li sama ni: jan ante li sona ala e ma lon ona.jan li sona e na lon pi jan 14 pi ma Sonko.jan wan pi ma Tawan li lon anpa pi kipisi tomo.jan 4 pi ma Pilipina li moli, jan tu li moli lon anpa tomo.jan wan pi ma Nijon li moli lon ma tomo Mantale.

ma Tawi

ma tomo Kunte la tomo mute li tawa, jan mute mute li pilin monsuta^[nimi] tan tawa ma ni.jan li pali e tomo suli wan la, tawa ma li pali e ni: jan 8 li moli.jan 9 li jo e sijelo pakala.jan li sona ala e ma lon pi jan 85.

ma Sonko

ma lili Inan la tawa li lon, ma lili poka li ken pilin kin.jan 2 pi ma lili Inan li jo e sijelo pakala.jan 9 li lon tomo pi kama sewi pi kepeken wawa li ken ala weka la, jan li pana pona.ni la, jan 4 ni li weka tan ike.jan mute li pilin ike la ona mute li tawa ma pi pona sijelo.tomo 847 pi ma tomo Leli li pakala la jan 2840 li lon anpa ike.

ma Malasija

ma Malasija la pilin tawa kin li lon.

ma Palata

ma tomo Teli sin la pilin tawa lili li lon.

ma Panla

ma Panla la pilin tawa lili li lon.

ma Wije

ma Wije la pilin tawa lili li lon.tomo 400 li tawa.jan wan li moli lon tenpo pi weka jan.kin la, tomo 400 pi ma tomo Ja Noje li tawa lili.

ma Lajo

ma Lajo la pilin tawa lili li lon.

ma Kanpusi

ma Kanpusi la pilin tawa lili li lon.

pana pona en pilin ike tan ma mute en ma mute wan

ma Sonko

ma Sonko la, jan Li Sijan li pana e pilin ike tawa ni.ma Sonko li pana e mani Tala pi ma Mewika wan kulupu tu wan ale ale ale luka tu ale tu wan ale ale (13,730,000 kepeken nasin nanpa pona).kin la, ma Sonko li pana e kulupu tu pi jan awen tawa ma Mijama li pana e ijo pona mute mute.kulupu li alasa e jan lon 9 e sijelo moli 59.tan tawa ma li suli la, ma Sonko li pana e mani Tala pi ma Mewika wan ale tu wan kulupu luka tu ale ale ale tu wan kulupu ale ale (137,300,000 kepeken nasin nanpa pona).

ma Onkon

ma Onkon la kulupu lawa li pana e jan 51 e soweli alasa e ilo pona ante tawa ma Mijama.jan li alasa e jan lon 1 e sijelo moli tu.

ma Omun

ma Omun li pana e mani Tala pi ma Mewika luka ale ale (50,000 kepeken nasin nanpa pona).

ma Tawan

ma Tawan la jan ale en ijo pona ale li kulupu li kama tawa ma Mijama la, jan lawa li toki e ni: utala insa pi ma Mijama li lon la, mi mute li pilin ike tawa lon pi jan alasa.ma Tawan li wile sona tawa ma Tawi en ma Mijama la, ma Tawan li ala e kulupu li pana ala e pona.

ma Malasija

jan lawa pi ma Malasija li pilin ike tawa tawa ma.ma Malasija li pana e mani Tala tu ale tu kulupu luka ale ale (2,250,000 kepeken nasin nanpa pona) tawa ma Mijama.

ma Sinkapo

ma Sinkapo la jan li pana e jan tu tu mute (80 kepeken nasin nanpa pona) e soweli alasa tu tawa ma Mijama li pana ijo pona mute mute tawa ma Mijama.

ma Anku

ma Anku li pana e mani Tala pi ma Mewika tu ale ale ale (2,000,000 kepeken nasin nanpa pona).

ma Nijon

jan lawa pi ma Nijon li pilin ike tawa jan pi ma Tawi.

ma Palata

ma Palata li pana e ijo pona mute tawa ma Mijama.

ma Wije

ma Wije li pana e jan 80 tawa ma Mijama.

ma Lusi

ma Lusi li pana e jan 120 tawa ma Mijama kepeken tomo tawa kon.

ma Mewika

jan Tana Tan li toki e ni: ma Mewika li lili e pana pona taso mi mute li wile pana e mani tawa tawa ma suli ni.

ma Isale

ma Isale li pana e jan tawa ma Mijama.

ma Nusilan

ma Nusilan li pana e mani Tala pi ma Mewika wan ale tu kulupu ale ale (1,200,000 kepeken nasin nanpa pona) tawa ma Mijama.

ma mute wan

tenpo kama la ma mute wan li pana e mani Tala pi ma Mewika luka ale ale ale (5,000,000 kepeken nasin nanpa pona) tawa ma Mijama tan ni: jan o pona e ma Mijama lon monsi pi tawa ma.

sitelen pi kipisi tomo

• 
• 
• 
• 

o lukin kin

• sitelen tawa lon ilo Pepu
• sitelen tawa lon ilo Pepu
• sitelen tawa lon ilo Pepu
• sitelen en kalama pi tawa ma ni lon lipu Wikikomon