tawa mun
tawa mun li tawa lon pimeja mun. sewi pi linja Mete 100 000 tan ma, pimeja mun li lon. tawa mun pi mute li ni: ilo mun li tawa. tenpo sike nanpa 1957 la, ilo "Sputnik-1" (toki Lusi: Спутник-1) pi ma Sesesele li lon pimeja mun. ni li tawa mun nanpa wan. soweli lon pimeja mun nanpa wan li soweli pona jan Lajka pi ma sama. tenpo sike sama la, ona li tawa lon ilo "Sputnik-2" (toki Lusi: Спутник-2). tenpo sike nanpa 1959 la, ilo "Luna-2" (toki Lusi: Луна-2) li tawa lon mun Luna. ona li nanpa wan. tenpo sike nanpa 1961 la, jan Juli Kakalin li tawa lon pimeja mun. ona li jan nanpa wan lon ni. tenpo sike nanpa 1969 la, jan Nije Anton li lon mun Luna. ona li nanpa wan.
ilo li tawa lon pimeja mun la, wawa tawa pi ilo li ni: tenpo Sekon 1 la, ona li tawa linja Mete 7 900. ma ni li pali e tawa mun: ma Lusi (en ma Sesesele lon tenpo pini), ma Mewika, ma Pasila, ma Sonko, ma Elopa, ma Palata, ma Ilan, ma Isale, ma Nijon, ma Anku en ma Soson.