telo moku pi lipu kasi
o tawa lipu nasin
o tawa ilo alasa
telo kasi li telo moku. jan li pali e ona kepeken kasi kipisi. telo kasi li seli anu lete. taso, ona li wile seli lon tenpo pi pali ona. jan li wile telo kasi lete la, telo kasi li wile ijo lete.
kulupu[o ante | o ante e toki ilo]
jan li wile pali e telo kasi la, ona li wile nasin e lipu kasi. nasin li ante la, telo kasi li lon kulupu ante[1]. kulupu luka wan ni li lon tawa jan ale, taso kulupu ante li ken lon tawa jan:
- walo (toki Sonko: 白茶, toki Inli: white tea) - lipu kasi li sama moli, taso kon li ante ala e kule ona.
- jelo (toki Sonko: 黃茶, toki Inli: yellow tea) - lipu kasi li sama ala moli, kon li ante ala e kule ona, taso ijo ante li jelo e ona.
- laso (toki Sonko: 綠茶, toki Inli: green tea) - lipu kasi li sama ala moli, kon li ante ala e kule ona.
- loje (toki Sonko: 紅茶) anu pimeja (toki Inli: black tea) - lipu kasi li sama moli, kon li ante e kule ona; ken la, jan li kipisi e lipu.
- pimeja (toki Sonko: 黑茶) anu pimeja mute (toki Inli: dark tea) - jan li pali e telo kasi ni lon ma Junan la ona li telo kasi pi nasin Puwa (toki Sonko: 普洱茶, pǔ'ěrchá); ni li sama telo laso, taso pipi pi lili mute pi ken ala lukin li alasa moku e ona li nasa e ona.
- nasin pi akesi suli pimeja (toki Sonko: 烏龍茶) anu nasin Ulon (toki Sonko: 烏龍茶, wūlóngchá, toki Inli: Oolong tea) - lipu kasi li sama moli li pakala lili, kon li ante lili e ona.
tan sona[o ante | o ante e toki ilo]
- ↑ tenpo sike nanpa 2005 la, lipu "Chinese tea" tan jan Liju Ton la, lipu nanpa 137. kulupu ISBN la, lipu nanpa 978-7-5085-0835-1.