tenpo esun

tan lipu Wikipesija
Jump to navigation Jump to search
tenpo suno pali li ante lon ma ante
tenpo suno nanpa wan li ante lon ma ante.

tenpo suno luka tu li kulupu pi tenpo suno. tenpo suno li lon kulupu ni. nanpa pi tenpo suno ni li luka tu. tenpo suno ali pi kulupu ni li jo e nimi:

  1. tenpo suno nanpa wan (diēs Lūnae)
  2. tenpo suno nanpa tu (diēs Mārtis)
  3. tenpo suno nanpa tu wan (diēs Mercuriī)
  4. tenpo suno nanpa tu tu (diēs Iovis)
  5. tenpo suno nanpa luka (diēs Veneris)
  6. tenpo suno nanpa luka wan (diēs Sāturnī)
  7. tenpo suno nanpa luka tu (diēs Sōlis)

toki mute la, nimi pi tenpo suno li kama tan mun suli. ni li: mun Luna en mun Masi en mun Wenu en mun Mekuliju en mun Jupite en mun Wenu en mun Satunu en suno Sola. jan li ken lukin e mun ni kepeken oko taso kepeken ilo lukin ala.

tenpo suno nanpa wan en tenpo suno nanpa tu en tenpo suno nanpa tu wan en tenpo suno nanpa tu tu en tenpo suno nanpa luka li tenpo suno pali. tenpo suno ni la jan li pali.

tenpo suno nanpa luka wan en tenpo suno nanpa luka tu li tenpo suno pi pali ala anu pini pi tenpo esun. tenpo suno ni la jan li pali ala li awen li kama wawa.