toki Lalen

toki Suko Scots, Lallans
kalama	/ˈskɔʔs/, /ˈlɑːlənz/
ma	ma Sukosi ma Ele lete
kulupu toki	Palata Elopa Kemani Kemani lon ma pi pini suno Inkajewone Anli Pisiki Anli Suko
toki pi tenpo pini	toki Inli lon ma Notumpija pi tenpo pini toki Inli pi tenpo insa toki Suko open toki Suko pi tenpo insa
nasin sitelen	sitelen Lasina
nanpa toki
ISO 639-2	sco
ISO 639-3	sco
Glottolog	scot1243
Linguasphere	52-ABA-aa (ante: 52-ABA-aaa tawa -aav)
nanpa pi jan li toki e ni: ona li ken toki kepeken toki Suko

toki Suko (Scots anu Lallans) li toki tan ma Sukosi. ona li kama tan toki Inli pi tenpo pini li sama mute toki Inli. taso kin la ona li ante. ona li ante mute tawa toki Kalike. taso ona li jo e nimi sama lon toki Inli (toki Suko li Scots, toki Kalike li Scottish Gaelic). ni la jan mute li sona ala e ni: ona li toki ante. tan ni, jan mute li kepeken nimi Lallans anu Lowland Scots lon toki Inli.

jan mute li toki e ni: ona li toki ante lili pi toki Inli kin. taso jan mute li pilin ante. jan sitelen suli pi toki Suko li jan Lopi Punse.