toki Nosiki

tan Wikipesija
o tawa poki nasin o tawa alasa
toki Nosiki

Norsk

ma ma Nosiki
kulupu toki Palata Elopa
toki pi tenpo pini toki Nolon
  • toki Nosiki pi tenpo insa
    • toki Nosiki open
nasin sitelen sitelen Lasina
nanpa toki
ISO 639-1 no
ISO 639-2 nor
ISO 639-3 nor
Glottolog norw1258
Linguasphere 52-AAA-ba

toki Nosiki (toki Nosiki: Norsk) li toki lawa pi ma Nosiki. ona li lon kulupu toki Kemani. toki Nosiki en toki Wensa en toki Tansi li tan toki mama sama.

nasin sitelen[o ante | o ante e toki ilo]

nasin sitelen tu li lon tawa toki Nosiki. jan ala li toki e nasin ni. taso, jan ale li ken kepeken ona.

toki lipu[o ante | o ante e toki ilo]

toki lipu (toki Nosiki: Bokmål) la, jan li kepeken ona tan ni: tenpo pini la, ma Tansi li lawa e ma Nosiki. ma Tansi li kama lawa ala e ona la, ma Nosiki li awen kepeken toki Tansi tawa lipu. taso, ma Nosiki li ante lili e ona. jan mute pi ma Nosiki li sitelen e toki ni. toki lipu en toki Tansi la, ona li ante lili:

  • nimi pi toki Tansi li kepeken kalama b/d/g la, toki lipu li kepeken kalama p/t/k. toki Tansi: løbe, hedde, kage. toki lipu: løpe, hete, kake.
  • nimi jan li ante lili. toki Tansi: I - jer - jeres . toki lipu: dere - dere - deres.

toki Ninosiki[o ante | o ante e toki ilo]

toki Ninosiki (toki Nosiki: Nynorsk) la, jan Iwa Osen li pali e ona. ona li wile pali e nasin sitelen pi toki Nosiki tan ni: toki Tansi li ante mute tawa jan pi ma Nosiki. ona li tawa ale lon ma Nosiki la, ona li kute e nasin toki pi jan ale. toki lipu en toki Ninosiki li sama lili. taso, ona tu li ante:

  • kalama li ante. toki lipu: hete, løse, grøt. toki Ninosiki: heita, løysa, graut.
  • nimi pi toki lipu kepeken kalama be-, an-, -het, -else la, toki Nosiki li kepeken kalama ni ala. o lukin e nimi ni. toki lipu: beskjed, beskrive, anbefale, ansette, trygghet, anelse. toki Ninosiki: melding, skildra, tilråda, tilsetja, tryggje, aning.
sitelen pi jan Iwa Osen.

toki Ninosiki en nasin toki pi jan mute pi ma Nosiki li sama mute. kin la, jan mute li kepeken toki lipu. jan pi mute lili taso li kepeken toki Ninosiki.

nasin toki[o ante | o ante e toki ilo]

ma mute li weka e nasin toki. taso, ma Nosiki li awen e nasin toki. jan Nosiki mute li kepeken nasin toki ona. jan mute pilin e ni: ona li pilin pona tan nasin toki ona. ni li kulupu pi nasin toki:

  • toki Nosiki anpa (Østnorsk/Austnorsk)
  • toki Nosiki poka (Vestnorsk)
  • toki Nosiki insa (Trøndersk)
  • toki Nosiki sewi (Nordnorsk)

jan Nosiki ale ken sona e nasin toki ante. taso, tenpo lili la, jan li ken sona ale ala e nasin toki.

kalama[o ante | o ante e toki ilo]

kalama pini pi toki Nosiki
open sinpin monsi insa lupa uta
kon nena m n ŋ
kon pini p t k
b d g
kon pini lili f s ʃ ç h
kon telo ʋ l j
kon telo lili ɾ
  • toki Nosiki anpa, en toki Nosiki insa, en toki Nosiki sewi la, kalama pi kon telo lili li poka kalama pi sinpin la, ona li kama e kalama monsi [ɳ, ʈ, ɖ, ɭ].
  • nasin toki lili la, kalama /ʃ/ li kalama tu [sj].
  • toki Nosiki poka lili la, ona li toki ala e kalama /ɾ/. ona li toki e kalama /ʁ/.
  • jan mute li toki e kalama /ç/ sama kalama /ʃ/. jan mute pilin e ni: toki ni li sin li ike mute tawa toki Nosiki. taso, jan sona pi kalama li pilin e ni: tenpo kama la, jan Nosiki ale li toki e ni. tan ni la, toki ni li pona tawa jan mute.
  • toki Nosiki anpa, en toki Nosiki insa, en toki Nosiki sewi lili la, ona li jo e kalama ante. kalama ni li kon telo lili pi monsi (toki Nosiki: Tjukk-L). ona li tan kalama pi toki Nolon /rð, l/. ona li lon nimi ni: bord, gard, hard. ona li ken lon nimi pi kalama /l/: stol, sol, sjøl. kalama ni li [ɽ] lon sitelen IPA.
kalama open pi toki Nosiki
sinpin insa monsi
sike ala sike
pini ɪ ʏ ʉ ʉː ʊ
insa ɛ œ øː ɔ
open (æ) æː ɑ ɑː

nimi lili pi toki Nosiki[o ante | o ante e toki ilo]

toki pona toki lipu toki Ninosiki
toki! Hei!
mi tawa.

tawa pona.

Vi ses.

Ha det bra.

Me/vi talast.

Ha det bra.

mute seme? Hvor mye? Kor mykje?
sina sona ala sona e toki pona? Kan du toki pona?
mi sona ala e toki pona. Jeg kan ikke toki pona. Eg kan ikkje toki pona.
nimi sina li seme? Hva heter du? Kva heiter du?
nimi mi li ___. Jeg heter ___. Eg heiter ___.
mi wile moku. Jeg er sulten. Eg er svolten.