toki ilo
jan li tawa e sona li awen e ona kepeken toki jan. ilo sona kin li ken tawa e sona li ken awen e ona li ken kepeken ona, kepeken toki ilo. toki ilo pi nasin mute li lon. toki ilo li ken nasa tawa jan.
toki ilo ante la, jan li ken pali e lipu pi ken ante mute. lipu ilo li ken toki e sona pi ante nanpa, li ken toki e namako lukin pi sitelen toki, li ken ante.
kulupu en nasin en ken[o ante | o ante e toki ilo]
nasin pi sijelo ilo[o ante | o ante e toki ilo]
ilo lili li lon insa pi ilo nanpa. ilo lili ni la linja li lon. wawa li ken tawa lon linja. linja tu li kama wan la wawa pi linja wan li ken ante e wawa pi linja ante kepeken nasin mute. nasin ona li ken sama pali nanpa. wawa linja li ken sama nanpa. ni la, sijelo ilo li ken sona e nanpa li ken ante e nanpa tan wile jan. jan li pana e wawa tawa linja ilo kepeken nasin la ilo li ken nanpa tan wile jan.
nasin nanpa pi sijelo ilo en nasin nanpa jan li ken ante. jan li ken pana e nimi ante tawa ken ante pi sijelo ilo, li ken nasin e nimi ni; nasin ni li toki ilo. ilo li ken lukin e toki ilo pi nasin ni lon lipu, li ken pana e wawa tawa linja kepeken nasin lipu, la ilo li pali nanpa tan lipu.
toki pi nasin ni la, ilo pi nasin ante li jo e toki ante. jan li pali e lipu nanpa kepeken toki pi ilo wan la, ona li wile pana e pali nanpa sama tawa ilo pi nasin ante la, ona li wile pali e lipu pi toki ilo ante.
nasin jan[o ante | o ante e toki ilo]
jan li pali e toki ilo ni: jan li ken sona e ona kepeken wawa sona lili, taso ilo li ken ante e ona tawa toki ilo pi nasin sijelo. ni la, jan li ken pali e lipu pi pali nanpa kepeken wawa sona lili. kin la, ilo li ken ante e lipu wan pi toki pi nasin jan tawa lipu ilo pi toki ilo sijelo ante mute; ni la, jan li pali e lipu ilo lon tenpo wan, la ona li ken kepeken ona lon ilo pi nasin mute.
ni li toki ilo mute pi nasin jan: