toki sike

toki sike tuki tiki
mama	jan Tumu
kulupu toki	toki sin toki pona
nasin sitelen	sitelen Lasina sitelen pona pi toki sike
nanpa toki
ISO 639-3	ala (mis)

toki sike (tuki tiki) li toki sin lili. ona li tan toki pona. jan Tumu (ka Tumu) li open pali e ona lon tenpo sike nanpa 2020. toki sike la, nimi mute luka luka luka tu tu en kalama luka tu wan li lon.

toki sike li lili mute li lili tawa toki pona. toki ante li ken lili tawa toki sike. taso, toki sike li ken pona tawa jan. toki pi lili tawa toki sike li ken ike tawa jan.

kalama

kalama pi uta pini

toki sike li jo e kalama pini luka. kalama pi toki pona la,

• kalama /s/ li kama kalama /t/, taso kalama /ti/ li ken kalama [si] anu [tsi];
• kalama /w/ en kalama /j/ li kama kalama /k/;
• kalama /n/ li kama kalama /l/.

	selo uta	nena sinpin uta	monsi uta
tenpo wan	p	t	k
awen	m	l

kalama pi uta open

toki sike li jo e kalama open tu wan. kalama pi toki pona la,

• kalama /e/ li kama kalama /i/;
• kalama /o/ li kama kalama /u/.

	sinpin	monsi
sewi	i	u
anpa	a

wawa kalama

toki pona li sama la, kipisi nanpa wan pi nimi pi toki sike li jo e kalama pi wawa nanpa wan. kulupu nimi la, nimi nanpa tu li wawa.

nasin

nasin toki kin la, toki sike li sama toki pona. taso, nimi Pi li lon ala.

• ka li - jan ni;
• muku pula mi - moku pona mi;
• tuki kiku li - toki pi ma ni.

sitelen

nimi ale pi toki sike kepeken sitelen pona ona. sitelen jelo li sama sitelen pona pi toki pona. sitelen pi loje jelo li tan toki pona li ante. sitelen pi loje laso li sin.

toki sike li kepeken sitelen Lasina (toki sike: titi Latila). kin la, ona li kepeken nasin sin pi sitelen pona (toki sike: titi pula), la sitelen pona mute li ken kama wan, sitelen sin li lon.

nimi ale

nimi ale pi toki sike li tan toki pona. taso, nimi wan pi toki sike li ken pana e sona pi nimi mute pi toki pona. wan la, nimi sike Tu li tan nimi pona Tu, taso ona li ken pana e sona pi nimi pona Mute.

ni li nimi ale pi toki sike:

nimi	kulupu	sona	tan
a	nimi ijo	ale, taso, lon, powe ala, a	a
ala	nimi ijo	ala	ala
	nimi namako	[X ala X]
i	nimi nasin	e	e
iku	nimi ijo	ijo	ijo
ilu	nimi ijo	ilo, kepeken, nasin	ilo
ka	nimi ijo	jan, soweli, kala, pipi, akesi, waso, kijetesantakalu	jan
kati	nimi ijo	kasi, soko, lipu	kasi
ki	nimi ijo	ken	ken
kiku	nimi ijo	kiwen, ma	kiwen
ku	nimi ijo	kon, pilin, kalama	kon
la	nimi nasin	la	la
lapi	nimi ijo	lape, lete, moli, pali ala	lape
li	nimi ijo	ni, ona	li, ni
	nimi nasin	li, ona
lika	nimi ijo	linja, palisa, luka, noka	linja
lili	nimi ijo	lili	lili
lu	nimi namako	lon, kepeken, tan, tawa, alu, en	lon
lupa	nimi ijo	lupa, poki, tomo, uta, insa	lupa
mi	nimi ijo	mi	mi
	nimi nasin	mi
muku	nimi ijo	moku, suwi, pona pilin	moku
muti	nimi ijo	musi	musi
paka	nimi ijo	pakala, utala	pakala
pali	nimi ijo	pali, nasin sijelo	pali
puka	nimi ijo	poka, monsi, en	poka
pula	nimi ijo	pona	pona
taka	nimi ijo	tawa, ante, tenpo, kama	tawa
tama	nimi ijo	sama, kin, awen	sama
tiki	nimi ijo	sike, sin, tenpo, pali lon tenpo sin, nasin sama lon tenpo mute	sike
tiku	nimi ijo	sewi, supa, suli, lawa, kon sewi mun	sewi
tila	nimi ijo	sina	sina
	nimi nasin	sina
tilu	nimi ijo	telo	telo
timi	nimi ijo	seme	seme
tipi	nimi ijo	sinpin, anu	sinpin
titi	nimi ijo	sitelen, kon, nimi, wile pana sona	sitelen
tu	nimi ijo	tu, mute, kulupu	tu
tuki	nimi ijo	toki, kalama, pilin, mu, isipin	toki
tula	nimi ijo	sona, pilin, kama sona, lipu	sona
tulu	nimi ijo	suno, seli, kule, wawa	suno
uli	nimi ijo	wile, wawa, nasin	wile
upi	nimi ijo	sin, open, tan	open

nimi ante pi tenpo pini

liti

kon

lete

tan

lete

toki suli

ni li toki pi tomo Papili kepeken toki sike. jan Tumu li ante e ni.

toki sike

toki pona

ka a li tuki tama. ka li taka lu kiku Tilala li tiki lu li. tiki la ka li tuki i li: "taka. mi pali i kiku mi tulu i li." ka li ilu i kiku i tilu. pali kiku la ka li tuki i li: "taka. mi pali i kiku i lupa tiku. mi uli ala taka lu kiku tu, la mi tu mi uli i titi tama." tuki li la ka tiku li taka lu kiku li tula i kiku i lupa. ka tiku li tuki i li: "ka a li tu tama li tuki tama. li upi a uli ka. uli ka la a li ki. taka. mi taka lu kiku mi tu i tuki ka." tiku li taka i ka a lu kiku a. ka li ki ala pali i lupa tiku. kiku li li titi Papala lu upi li: tiku li tu i tuki i ka lu kiku a.

jan ale li toki sama. jan li tawa kiwen Sinale li awen lon ni. jan li awen toki e ni: "mi pali e kiwen li seli e ona". jan li kepeken kiwen li kepeken telo. pali kiwen la jan li toki e ni: "mi pali e kiwen e tomo suli. mi wile ala tawa ma mute, la mi mute li wile e sitelen sama." toki ni la jan sewi li tawa kiwen li sona e kiwen e tomo. jan sewi li toki e ni: "jan ale li kulupu sama li toki sama. ona li open taso wile jan. wile jan la ale li ken. mi tawa ma li mute e toki jan." sewi li tawa e jan ale lon ma ale. jan li ken ala pali e tomo suli. kiwen ona li sitelen Papala lon wile ni: sewi li mute e toki e jan lon ma ale.

toki suli ante li lon lipu "muti tuki tiki". lipu "tuki tiki" li toki e pona ona.