utala suli nanpa wan

ma pi ma Elopa li suli e kulupu utala ona. jan li pali e tomo utala telo mute e ilo utala mute. wile utala li suli lon ma Elopa. ike lili la, utala li kama.

ma Kanse en ma Juke en ma Losi li toki e ni: "mi mute li jan pona." ma Tosi en ma Esalasi Mosijo li toki e ni: "mi mute li jan pona." ma Losi en ma Sopisi li toki e ni: "mi mute li jan pona."

jan Pan Petanan (toki Inli: Franz Ferdinand) li kama tan ma Esalasi Mosijo. ona li tawa ma tomo Salajepo lon ma Posan. jan Kawilo Pinsi li moli e jan Franz Ferdinand. ni li ike mute tawa jan pi ma Esalasi Mosijo. ni la, ma Esalasi Mosijo li toki e utala tawa ma Sopisi.