waso

tan Wikipesija
o tawa poki nasin o tawa alasa

waso li lon ma li lon kon li lon mun ala li lon poka mun ala. waso li ijo lon. mute suli waso li ken tawa lon kon kepeken luka ona. ona en soweli li sama mute. ona en kasi li sama lili. ona en kiwen li ante.

sijelo[o ante | o ante e toki ilo]

lawa en noka tu en oko tu en en luka waso en uta kiwen en lipu linja lili mute pi tawa kon li lon sijelo waso. kiwen ona li lon insa pi sijelo ona. waso tu li mama e waso sin la, ona li unpa li mama e selo sike mama. selo sike mama li jo e waso sin lili. waso sin lili ni li kama suli la, selo sike mama ni li pakala la, waso sin li kama lon ma. waso mute li pali e tomo lili waso li mama e waso sin lon insa ona.

tawa kon / tawa waso[o ante | o ante e toki ilo]

waso ale li ken ala tawa kon. taso ona mute li ken tawa kon. ona li tawa kon la, ona li tawa e luka ona. luka ona li tawa e kon. kon li tawa e sijelo ona li sewi e ona. ni la, ona li tawa kon. waso mute li tawa kon lon sewi. waso mute ante li tawa ala sewi li awen lon poka sewi ma.

tenpo pini[o ante | o ante e toki ilo]

tenpo pini mute la, waso ala en jan ala li lon. soweli en akesi suli li lon. soweli li kama jan. mute suli pi akesi suli li moli. akesi suli pi mute lili li kama lili li kama ken pi tawa kon li kama kiwen uta li kama waso kepeken nasin pi kama sin pi mama moli. tenpo ni la, waso mute li lili. jan la, waso pi mute lili taso li suli. taso akesi suli mute la, waso ale li lili.