lipu "jan soweli" la tenpo tu la ante li ni

[[sitelen:Regular_1.jpg|thumb|300px|jan soweli li ken soweli ala.]]

[[sitelen:Schnolf.jpg|thumb|300px|jan mute la, jan soweli li ken jan ala kin.]]

[[musi]] la, '''jan soweli''' li ni: ona li jo e noka tu li ken toki sama jan. taso, sijelo ona li sama [[soweli]] anu [[akesi]] anu [[kala]] anu [[pipi]] anu [[waso]]. ijo soweli li ken suli: lawa en selo ale li ken soweli. ona li ken lili kin, sama {{nimi ijo|jan soweli Kemonomimi||toki Nijon|kute monsuta}}.

jan soweli li lon musi mute. [[sitelen tawa]] mute pi [[kulupu Sinsi]] la, jan soweli anu soweli toki li lon. nasin soweli pi jan soweli li ken lon ala. [[musi Pokemon]] la, nasin soweli sin mute li lon. mute ona li jan soweli.

==kulupu olin==

kulupu jan ni li lon: jan soweli li pona tawa ona. ona li ken pali e [[sitelen musi]] ona, li ken jo e selo ona pi lon ala, li ken kama lon kama kulupu.

[[toki Inli]] la, nimi pi kulupu ni li "furry" ("[ijo pi] selo linja"). nimi ni li tawa jan soweli kin. tenpo la, jan akesi en jan kala li "scalie" ("[ijo pi] selo kiwen").

jan kulupu mute li sitelen insa e jan soweli pi ona sama, li musi kepeken ona, li ken sitelen e ona li ken esun e sitelen ona. nasin soweli nanpa wan pi jan soweli ni li [[soweli alasa pi walo pimeja]].<ref>{{tan sona|linja=https://vis.adjectivespecies.com/furrysurvey/explorer/|tan=ilo pi lukin sona tan kama sona pi kulupu olin pi jan soweli|nimi tan kepeken toki tan=Furry Survey Results Explorer|toki tan=toki Inli}}</ref>

 

==tan sona==