lipu Wikipedia

tan lipu Wikipesija
Jump to navigation Jump to search
sitelen pi lipu Wikipedia li sitelen tan nasin sitelen ante lon sike

lipu "Wikipedia" anu lipu Wikipesija li ilo li lipu sona suli. ona li open lon tenpo sike nanpa 2001.

ona la jan mute li ken pana e lipu sona pi ijo ale. nasin ona la jan ale li ken pali e lipu li ken ante e lipu. ni li nasin Wiki. ona li lipu ante pi nasin Wiki. jan mute pi ma ale li kepeken lipu Wikipesija.

tenpo pini[o ante | o ante e toki ilo]

tenpo sike nanpa 2001 la lipu Wikipedia li kama lon. tenpo ni la, kulupu Bomis li jo e ni. lipu ni li sama lipu Nupedia, li lipu sona pi jan sona.

tenpo sike nanpa 2003 la kulupu jan Wikimesija li kama lon.

lipu Wikipedia pi toki pona[o ante | o ante e toki ilo]

lipu Wikipedia li lon toki ante mute. taso ona li lon ala toki pona lon tenpo ni. tenpo pini la lipu "Wikipedia" li jo e ante lili pi toki pona. taso tenpo sike nanpa nanpa 2005 la ona li weka tan ni: jan pi mute lili li pali e ona. jan li pali e ante sin lon lipu Panton (Fandom).

lipu Wikipesija[o ante | o ante e toki ilo]

kulupu li pali e lipu Wikipesija tawa ni: ona li wile kama e lipu "Wikipedia" sin pi toki pona. kulupu lawa pi lipu Panton ale li ante e nasin ona li lawa e lipu ale. tenpo sike nanpa nanpa 2021 la lipu Wikipesija pi toki pona li kama tawa e nasin lipu wikipesija.org.[1] lipu ni la jan sitelen li anpa ala tawa jan lawa pi lipu Panton.

lipu sama pi lipu sona Wikipesija[o ante | o ante e toki ilo]

kulupu jan Wikimesija li jo e lipu sona Wikipesija e lipu sama mute. ona li wile pana e sona tawa jan mute lon toki mute.

nimi pi toki mute li lon lipu Wisonali. sona sin li lon lipu Wikiju. sitelen mute li lon lipu Komon. lipu toki mute li lon lipu Wikiso. toki mute li lon lipu Wikikote. lipu tenpo li lon lipu Wikinu. lipu tawa li lon lipu Wikiwajase. kulupu sona li lon ilo Wikitata.

tan sona[o ante | o ante e toki ilo]

  1. "lipu Wikipesija sin" tan jan Jan lon lipu kule lon tenpo sike nanpa nanpa 2021