kalama musi ma ale pi pini tenpo

kalama musi ma ale pi pini tenpo (toki Inli: Everywhere at the End of Time) li kulupu pi kulupu kalama musi. jan Keteka (toki Inli: The Caretaker) li pali e ona. kulupu musi ni la, kulupu luka wan li lon. pali li open lon tenpo sike 2016 li pini lon tenpo sike 2019.

pilin

kalama ona li sama kalama pi ike sijelo. jan li jo e ike ni la, lawa ona li pakala, li weka e sona ona. kalama pi kulupu nanpa wan li pona. taso kalama pi kulupu nanpa luka wan li pakala wawa sama ni: lawa li pakala tan ike sijelo.